Kulumbaisha 3 - Baibo Busansulushi Bwa Libuku Ili

Mupailo wa macuunsa wakusenga lucafwo

Lwiimbo lwakwe Defedi ndyaakacica Abisalomu mwanaakwe musankwa

¹ NoBaami baLesa, ndicite balwani baanji, mbaanji batoofwima ndime!

² Balambandika akwaamba ayi, “Lesa teshi akamucaafwe.”

³ Sombi mwebo noBaami baLesa muli liyawo lyangu, mulamfwalika bulemu bwanu, mulanjumyayumya akunsumpula.

⁴ Ndalilila Mwaami Lesa ayi ancaafwe, alakwe ulankumbula kuswa kukalundu kakwe kasalalite.

⁵ Aboobo ndoona mutulo akubuka alimwi, mukwiinga Mwaami Lesa ulandama.

⁶ Teshi nkaloonde shuulu sha balwani abo batoomfwima koonse koonse.

⁷ NoBaami bangu amucite ono! Amumpulushe nobaLesa bangu! Mulauma balwani bangu boonse mumanungo, mwabalengesha kubula nkusu shakuncisa.

⁸ Ncakwiila kukoma kulaswabo kuMwaami Lesa, ono aape coolwe bantu bakwe.