Kulumbaisha 29 - Baibo Busansulushi Bwa Libuku Ili

Nkusu abulemu bwa liswi lya mwaami Lesa

Lwiimbo lwakwe Defedi

¹ Amulumbaishe Mwaami Lesa noshilengwa sha kwiculu, amulumbaishe bulemu bwakwe ankusu shakwe.

² Liina lyakwe alilemekwe kweelana ambolyeelete, amulambile Mwaami Lesa mubulemu bwa bululami bwakwe.

³ Liswi lya Mwaami Lesa lilanyumfwika pamaanshi, ncakwiila Mwaami Lesa shibulemu ulaluluma, ulaluluma peculu lya maanshi ayoosha.

⁴ Liswi lya Mwaami Lesa lilicite nkusu, ee, liswi lya Mwaami Lesa lilicite bulemu.

⁵ Liswi lya Mwaami Lesa lilapasoola shisamu sha sida, Mwaami Lesa ulaponsoola shisamu sha sida sha kuLebanoni.

⁶ Tulundu twa Lebanoni ulatusotoosha anga ngumoombe, akalo ka Emoni anga ngumwanaanyati kwiinda mushitentanshi.

⁷ Liswi lya Mwaami Lesa lilalengesha kubeka kwa mfula.

⁸ Liswi lya Mwaami Lesa lilatenkaanya luyanga, ncakwiila lilatenkaanya aluyanga lwa Kadeshi.

⁹ Liswi lya Mwaami Lesa lilatyoloola mibanga, akupuloola matewu a shisamu mumusaansa woonse. Bali muŊanda yakwe isalalite boonse baloolobesha ayi, “Aalemekwe Lesa!”

¹⁰ Mwaami Lesa ulishiite pacuuna ca bwaami akweendelesha maanshi ayoosha. Ncakwiila unanooli Mwaami lyoonse alyoonse.

¹¹ Mwaami Lesa ngoopa bantu bakwe nkusu, alimwi ulapa bantu bakwe coolwe ca luumuno.