Kulumbaisha 2 - Baibo Busansulushi Bwa Libuku Ili

Mwaami uyo Lesa ngwaasala

¹ Anu nceebonshi baswamashi ncebayeeyela shabwaashu? Alimwi bakunsengwe balapanganinanshi miyeeyo itasebensi?

² Bamaami babo balabukamo lwampeta, baleli babo balalibungabunga ayi balwane Mwaami Lesa alimwi aUsalitwe wakwe.

³ Balaamba ayi, “Atulishipuleemo mubweendeleshi bwabo, alimwi akusowa nshimbi shakulela kwabo.”

⁴ Uyo ucite cuuna ca bwaami kwiculu ulasekabo, Mwaami Lesa ulaweluluka miyeeyo yabo.

⁵ Lyalo ulabakalalila mubukali bwakwe akubaloondesha kubukali bwakwe bwiindaawo,

⁶ Ulaamba ayi, “Ndabika mwaami wangu paKalundu kangu kasalalite ka Siyoni.”

⁷ Ono mwaami uyo waamba ayi, “Ntokwaambilisha Mwaami Lesa ncaamba. Wandwiita ayi, ‘Webo uli mwanaangu, sunu ndaba baiso.

⁸ Senga kuli ndime, ntookupa mishobo yoonse ayi ibe yaako. Nkokwaamba ayi cishi coonse ca panshi citooba caako.

⁹ Ulaakweendelesha mishobo ankooli ya ceela, akwiipwayoola anga nshintu shakubumba.’ ”

¹⁰ Ono amukutike kucenjeshekwa uku mwebo nobamaami. Amwiilewo ciiyo apa noonse nobaleli ba mucishi ca panshi.

¹¹ Amusebensele Mwaami Lesa cakumuloonda. Cakututuma, muliceeshe kunembo lyakwe,

¹² mukwiinga inga mwabusha kalete cakufwambaana, aboobo mulaakufwa cakuteengashila. Balicite coolwe abo boonse baya mukuyuba kuli nguwe.