Kulumbaisha 15 - Baibo Busansulushi Bwa Libuku Ili

Mwaami Lesa mbwaasuni umulambila ayi abe

Lwiimbo lwakwe Defedi

¹ NoBaami baLesa, anu ngani weenga wekala muŊanda yanu? Anu ngani weenga wakonsha kwikala pakalundu kanu kasalalite?

² Ncakwiila ngooyo weenda cakubula kampenda, uyo ucita shintu shiluleme lyoonse akwaamba lushinisho luswa kumoyo wakwe.

³ Ngumuntu uyo utacite mulaka ubisha meena a babye, ee, ngooyo utacitili beshikamukobonyina shibiibi, nabi kwaamba makani akubeca pali mbabo.

⁴ Ngooyo unyansha muntu uyo Lesa ngwaakaka, sombi ulemeka baabo banyumfwila Mwaami Lesa. Muntu uyo ucita nshaakashomesha cakulumbila, nakubi kwaamba ayi lakwe mwiine cilamucisa.

⁵ Muntu uyo ulakweletesha cakutalangila cinyona mucila peculu. Taatambuli makulo kwaamba ayi apenshe bantu batacite mulandu. Ncakwiila uyo woonse ucita shintu ishi, teshi akatenkaanishikweewo napaceyi.