Kulumbaisha 137 - Baibo Busansulushi Bwa Libuku Ili

Matongooshi a bene Isilaeli mucishi ca busha

¹ Kunshaamilonga ya Babiloni, twakekala panshi akulila. Twakalila nditwakayeeya Siyoni.

² Uko twakaanjika tulumbu twesu kushisamu sha masompe.

³ Bakatucata busha bakatwaambila ayi twiimbe. Bakatwaambila ayi tubeembile nyimbo mukubasangalasha. Bakaamba ayi, “Amutwiimbileko lwiimbo lwa kuSiyoni.”

⁴ Swebo twakaamba ayi, “Ino inga tweemba buyani nyiimbo sha Mwaami Lesa mucishi ca bweensu?”

⁵ Na nkalube ndiwe oJelusalemu, lyaansa lyangu lyalulyo alikaluube bwakulisha kalumbu.

⁶ Mulaka aukalamatile kwiculu lya mulomo, na nkakuluube oJelusalemu, nabi na nkabule kukuyeeya ayi ndiwe wiindaawo kunsangalasha.

⁷ NoBaami baLesa, amwiibaluke shakacita bene Edomu bushiku bulya bwakanyonyoolwa Jelusalemu. Amwiibaluke mbobakalinga kwaamba ayi, “Amwiimwaaye, amwiimwaaye tibili akulwiimbi!”

⁸ Ondabala ya Babiloni webo ooelete kunyonyoolwa! Ulicite coolwe uyo ukubooshesha cishole ceebo ca sheesho shoonse nshewakacitila ndiswe.

⁹ Ulicite coolwe uyo ubwesa bakateta bako, ncakwiila uyo ubabwesa akubapwayoola kumyaandami.