Kulumbaisha 133 - Baibo Busansulushi Bwa Libuku IliKulumba lusuno lwa bwanabwankashi Lwiimbo lwa pakutanta lwakwe Defedi. 1 Buumi ubu mbubotu abuumbi alimwi bulakondelesha. Ee, buumi bwa bantu bakwe Lesa bwakwikala mubwanabwankashi! 2 Buli anga ngamafuta amakwebo ayo atilwa pamutwi wakwe Aloni, mafuta ayo anunkila ndyaakukunkila kundesu shakwe, kuya mukushika akunteneshi ya mungaanjo wakwe. 3 Buli anga ngumume wa kuKalundu ka Emoni, utoolokela paKalundu ka Siyoni. Uko nkokukalundu Mwaami Lesa nkwakashomesha kupa coolwe, ncakwiila abuumi bwamuyayaya. |
Lenje Bible with Deuterocanon © Bible Society of Zambia, 2003.
Bible Society of Zambia