Kulumbaisha 130 - Baibo Busansulushi Bwa Libuku Ili

Mupailo wakusenga lucafwo

Lwiimbo lwa pakutanta.

¹ NoBaami baLesa, ndamulilila ceebo ndi mumapensho aanji abuumbi.

² NoBaami baLesa amunyumfwe kulila kwangu. Amuteye kutwi wanu ayi munyumfwe kulila kwangu kwakusenga lucafwo.

³ NoBaami baLesa, nimwalinga kulemba shibiibi shesu cakutashifuta, anu ngani wakalinga kweelete kucaala kwakubula mulandu kuli ndimwe?

⁴ Sombi mwebo mulalekelela shibiibi shesu, paceebo ceeci swebo tulamulemeka abuumbi.

⁵ Ndalindila lucafwo lwa Mwaami Lesa amoyo woonse. Ndicinkite manungo mumaswi akwe.

⁶ Moyo wangu utoolindila Mwaami Lesa kwiinda abeshikulindilila mbobalindila kuca kwa bushiku. Ee, kwiinda abeshikulindilila mbobalindila kuca kwa bushiku.

⁷ Nobene Isilaeli amucinke manungo muMwaami Lesa, ceebo lusuno lwakwe talumaani. Ndushinisho lakwe ngoolibambite kutupulusha lyoonse.

⁸ Lakwe ngweshi akalubule bene Isilaeli kuswa kushibiibi shabo shoonse.