Kulumbaisha 13 - Baibo Busansulushi Bwa Libuku Ili

Mupailo wakusenga lucafwo

Kumutanjilili wa beshikwiimba. Lwiimbo lwakwe Defedi

¹ NoBaami baLesa, anu ndilili ndyeshi mukanjibaluke? Anu mulaakucileka lili kunjuba?

² Ndaakucileka lili kupenshekwa mumoyo wangu? Anu buumba buli mumoyo wangu lyoonse bulaakumana lili? Balwani bangu balaakucileka lili kunkoma?

³ Amunjeeye noBaami baLesa, baLesa bangu akunkumbula. Amunjuminishe alimwi. Mutandeeki ayi mfwe.

⁴ Mutasuminishi balwani bangu kwaamba ayi, “Twamukoma.” Mutasuminishi ayi balisumpwite ceebo ca kukomwa kwangu.

⁵ Ono nebo ndicinkite manungo mulusuno lwanu lutamaani. Moyo wangu ulaakusangalala mukwiinga mulaakumfuna.

⁶ Ndaakumwiimbila noBaami baLesa ceebo mwalinga kumpa shoolwe shiinji.