Kulumbaisha 126 - Baibo Busansulushi Bwa Libuku Ili

Mupailo wakusenga kufunwa

Lwiimbo lwa pakutanta.

¹ Mwaami Lesa ndyaakatupilusha kuJelusalemu, twakalinga twabonabo anga muciloto.

² Twakasekelela abuumbi. Twakeemba cakusangalala. Mishobo imwi yakatalika kwaamba ayi, “Mwaami Lesa wabacitila shintu shinene.”

³ Ncakwiila Mwaami Lesa watucitila shintu shinene, aboobo tulisangalete abuumbi.

⁴ Nobaami baLesa amutulengeshe kuswitilila alimwi bweenka mfula mboileta maanshi mutulonga twa muluyanga.

⁵ Bantu abo bashanga kabalila, abatebule kabasangalete abuumbi.

⁶ Muntu uyo uya bulila kaanyamwite mbuto ayi ashange, ulaakuboolelaamo kaaya bwiimba cakusangalala, kaanyamwite mile ya butebushi bwakwe.