Kulumbaisha 125 - Baibo Busansulushi Bwa Libuku Ili

Kubula cakulisukama kwa bantu bakwe Lesa

Lwiimbo lwa pakutanta.

¹ Abo bacinkite manungo muMwaami Lesa, bali anga nKalundu ka Siyoni, kalundu ako katakoonshi kutenkaana, sombi kananooliko kwalyoonse alyoonse.

² Bweenka tulundu mbotushingulukite Jelusalemu, mbweeke ubo Mwaami Lesa mbwaashingulukite bantu bakwe sunu tibili amuyayaya.

³ Bamucita shibi teshi bakatolelele kweendelesha mucishi ca baluleme. Ceebo na batolelela, baluleme abalo inga batalika kucita bubi ubo.

⁴ NoBaami baLesa amubacitile shibotu bantu bali kabotu. Amubacitile shibotu bantu abo baluleme mumyoyo.

⁵ Sombi abo bakonkela nshila shabo shitaluleme, Mwaami Lesa ulaakubatandila nkweshi kukanooli bamucita shibi. Luumuno alube pabene Isilaeli.