Kulumbaisha 124 - Baibo Busansulushi Bwa Libuku Ili

Lesa mgooshikufuna bantu bakwe

Lwiimbo lwakwe Defedi lwa pakutanta.

¹ Nicakaba buyani Mwaami Lesa naatakalinga kulubasu lwesu? Amukumbule nobene Isilaeli!

² “Mwaami Lesa naatakalinga kulubasu lwesu ciindi balwani besu ndibakatulwana,

³ naakwiinga bakatumina katucili boomi bukali bwabo ndibwakatunyakila.

⁴ Mukuuku wa bukali bwabo watutola, ee, maanshi a bukali bwabo naakwiinga atufwekelesha.

⁵ Ncakwiila maanshi ayoosha naakwiinga atulobya.”

⁶ Aalumbaishikwe Mwaami Lesa uyo utakwe kutulekelesha ayi balwani abo batunyonyoole.

⁷ Twakasupuka mbuli kayuni mubukuka bwa shikuteya. Bukuka bwakasutuka, swebo twakaanguluka.

⁸ Lucafwo lwesu lulaswa kuMwaami Lesa uyo wakalenga liculu acishi ca panshi.