Kulumbaisha 113 - Baibo Busansulushi Bwa Libuku Ili

Kulumbaisha bubotu bwa mwaami Lesa

¹ Amulumbaishe Mwaami Lesa! Amumulumbaishe, mwebo nobasebenshi bakwe, ee, amulumbaishe liina lya Mwaami Lesa!

² Alilumbaishikwe liina lya Mwaami Lesa. Alilumbaishikwe kuswa sunu kushikila muyayaya.

³ Liina lya Mwaami Lesa alilumbaishikwe kuswa kwicwe kushikila akumbo.

⁴ Mwaami Lesa ngoolela mishobo yoonse. Bulemu bwakwe buleenda shintu shoonse sha mwiculu.

⁵ Anu ngani weenga weelana aMwaami Lesa, Lesa wesu uyo ushiite pacuuna ca bwaami kwiculu?

⁶ Lakwe ngookotama akulanga panshi ayi abone maculu acishi ca panshi.

⁷ Mwaami Lesa ngoosumpula bakandu kuswa mulusuko, akunyamuna bataaku mbobabete kuswa mumapensho abo.

⁸ Wakabakalika pantu pomwi abanaabaami basankwa, ee, banaabaami ba bantu bakwe.

⁹ Lakwe ngoopa baana kuŋumba muŋanda yakwe, ee, akumulengesha kusangalala kwiinda mukumupa baana. Amulumbaishe Mwaami Lesa!