Kulumbaisha 11 - Baibo Busansulushi Bwa Libuku Ili

Kushoma mumwaami Lesa

Kumutanjilili wa bwiimbi. Lwiimbo lwakwe Defedi.

¹ Nebo ndayubila muMwaami Lesa. Ino ono inga mwandwiita buyani ayi, “Uluka anga ngumuyuni ulobokele kutulundu

² mukwiinga bamucita shibi bapakata mata abo mushimfule akweeleka baluleme ayi babayaase.

³ Na lushomo lutooya cinyonyoolwa muntu ululeme inga wacitanshi?”

⁴ Mwaami Lesa mwaali muŊanda yakwe isalalite. Ncakwiila ulishiite pacuuna cakwe ca kwiculu. Bantu boonse ulibabwene kuli koonse alimwi ulishi shoonse nshebatoocita.

⁵ Mwaami Lesa ulalangalanga bantu boonse, nkokwaamba ayi baluleme abamucita shibi. Sombi ulipatite bamucita shibi boonse.

⁶ Pabantu abo ulaakulosha makalangasha amulilo wa salufa. Ulaakutuma amyuuwo itenta pali mbabo mukubapa mulandu.

⁷ Ee, Mwaami Lesa uliluleme, ulisuni micito iluleme. Ncakwiila baluleme balaakumubona.