Jona 4 - Baibo Busansulushi Bwa Libuku Ili

Jona mbwaakakalala ceebo ca nkumbu shakwe Lesa

¹ Sombi Jona taakwe kukondwaawo paceeco cakacitika, lakwe wakakalala.

² Mpeeke wakapaila ayi, “Sa te nceceeci ncendakaamba kaantana kuswa kumisheesu ayi cilaakucitika? Anu ncendakafwambaanina kulobokela kuTashishi. Ndakalinga kwishi ayi uli Lesa walusuno alimwi shinkumbu, utafwambaani kukalala, Lesa shiluse luteeli alimwi upilula miyeeyo akucileka kunyonyoola.

³ Ono noBaami baLesa, amuncayebo. Ceebo ncibotu kwaamba ayi mfwe kwiinda kunooli muumi.”

⁴ Nacibi boobo, Mwaami Lesa wakamukumbula ayi, “Sa pali nceenga cakukalasha apa?”

⁵ Mpomunyaawo Jona wakaswa mundabala inene iyo akuya kwicwe lya njiyo. Nkomunya uko, wakayaka musakasa akwikala mucimfule ca nguwo, kaalindila cakalinga kweelete kucitika kundabala iyo.

⁶ Lyalo Mwaami Lesa wakamenesha cisamu akulengesha ayi cikule akuleta cimfule pali Jona ayi apuluke kulumwi ulo. Aboobo Jona wakakondwa abuumbi ceebo ca cisamu ico.

⁷ Sombi macuunsacuunsa bushiku bwakaboolaawo, Lesa wakatuma shiluŋongwa uyo wakatalika kulya cisamu akulengesha ayi ciyume.

⁸ Ono lisuba ndilyakatanta, Lesa wakatuma muuwo wakwicwe ulungula, alimwi lisuba lyakabalila pamutwi wakwe Jona, kaasuni kuwisuka. Aboobo wakalinga kuyanda kufwa. Mpeeke wakaamba ayi, “Ncibotu kwaamba ayi mfwe, kwiinda kunooli muumi!”

⁹ Sombi Lesa wakaambila Jona ayi, “Sa kuli nceenga cakukalasha pacisamu ici?” Lyalo Jona wakakumbula ayi, “Ee, ndakonsha kukalala cakuyanda kufwa!”

¹⁰ Mpomunyaawo Mwaami Lesa wakaamba ayi, “Walinga kulisukama pacisamu ici, nabi tookwe kucisebensela alimwi akucikulisha. Cakamena bushiku bomwi alimwi akufwa bushiku bwakaboolaawo.

¹¹ Sombi mwalo mundabala inene ya Ninife muli bantu beenda pashuulu shili mwaanda amakumi obilo, abo bateshiwo ciluleme nabi cilubite, kubikaawo amatanga a banyama bafubwa. Ono sa nsheelete kulisukama pandabala inene iindaawo iyo?”