Jelemiya 45 - Baibo Busansulushi Bwa Libuku Ili

Kushomesha kwakwe Lesa kuli Baluki

¹ Mumwaaka wane wa bwaami bwakwe Jeoiyakimu mwanaakwe Josiya mwaami wa bene Juda, Baluki wakalemba maswi ayo ngondakalinga kumulwiita. Mpeeke ndakamulwiita ayi

² Mwaami Lesa, Lesa wa bene Isilaeli waamba ayi, “Baluki

³ webo utokwaamba ayi, ‘Mapensho kuli ndime! Mwaami Lesa wanungawo buumba pamapensho angu. Kutongela kwankopola alimwi nshintokookeshaawo napaceyi!’

⁴ “Nebo neMwaami Lesa ndaamba ayi, ‘Ndaakumwaya nshendakayaka akutumuna sheesho nshendakashanga mucishi coonse ca panshi.

⁵ Sa utooliyandweeta shintu shinene abuumbi? Utashiyandoolibo ceebo ndaakuleta kunyonyoola pabantu boonse. Sombi webo teshi ukacaikwe kuli koonse nkweshi ukaye.’ ”