Isaya 15 - Baibo Busansulushi Bwa Libuku Ili

Mwaami Lesa ulaakunyonyoola cishi ca Moabu

¹ Aya ngamaswi aamba pacishi ca Moabu. Ndabala ya Ali aya Kili anyonyoolwa mubushiku bomwibo, cishi ca Moabu cawa!

² Bantu bamundabala ya Diboni baya kuŋanda ya lesa wabo. Ee, kumisena yakulambililaako balesa babo kuya mukulila. Bene Moabu abo batoolila ndabala ya Nebo aMedeba. Mutwi wa muntu womwi awomwi wakululwa ashalo ndesu sha basankwa boonse shaceswa.

³ Mumikwakwa bafwala masaka kutondesha buumba. Pashiluli amumisena icanika bantu baanji moonse batoolila cakooloma. Ncakwiila bakopoka abuumbi kukulila.

⁴ Bene Eshiboni abene Eleyale abalo batoolila. Maswi abo atoonyumfwika kuya mukushikabo akuJaasi. Paceebo ceeco bashilumamba bene Moabu batoolila cakooloma, ee, mumanungo mwatontola kuboowa.

⁵ Ndabalilila bantu bene Moabu. Bantu babo baloboka bulya balishikite akuSowa alimwi akuEgilati Shelishiya. Balulama nshila iya kuLuyiti alimwi batooya cililabo nshila yoonse. Amwalo munshila iya kuOlonaimu boongumana abuumbi palunyonyooko lwabo.

⁶ Maanshi amukalonga ka Nimulimu ayuma abwalo bwiisu buli mweela kalonga bwayuma. Taaku cimena mubulongo cacaala kacicitontola.

⁷ Aboobo bantu batoosubuka Cinyika ca shisamu sha Masompe kutolelela abuboni bwabo boonse ubo mbobakalilundikila.

⁸ Kooloma kwabo kutoonyumfwika mumanyinsa oonse a Moabu, mibila yabo kuEgilaimu balishiiteemobo, ncakwiila kulila kwabo kulinyumfwikite akuBiya Elimu.

⁹ Maanshi akuDiboni asalala pyu kubulowa, nakubi boobo bantu bakooko ncibacitila cintu ciinda ceeco. Nkalamu ilaakucata bene Moabu boonse baloboka, ee, boonse bacaaliteeko mucishi ico.