Isaya 12 - Baibo Busansulushi Bwa Libuku Ili

Lwiimbo lwakulumbaisha

¹ Pabushiku ubo mulaakwiimba ayi, “Ndanoomulumbaisha noBaami baLesa. Nabi mwakalinga kukalalite pali ndime, bukali bwanu sunu bwamana. Ono sunu mwankalika moyo.

² Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

³ Cakusangalala mulaakunoonwa maanshi, kuswa mumikalo ileta lupulusho.

⁴ Pabushiku ubo mulaakwiimba ayi, “Amulumbe Mwaami Lesa, amupaile muliina lyakwe. Amupukishe ncaakacita pakati ka mishobo imwi, akwaambilisha ayi liina lyakwe lilyeelete kusumpulwa.

⁵ Amwiimbile Mwaami Lesa ceebo wacita shintu shabulemu. Cikani ici acishibikwe mucishi coonse ca panshi.

⁶ Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”