1 Makani 7 - Baibo Busansulushi Bwa Libuku Ili

Bamulunyungu lwakwe Isaka

¹ Isaka wakashala baana bone, nkokwaamba ayi Tola, Puwa, Jashubu alimwi aShimuloni.

² Tola wakashala baana bosanwe awomwi, nkokwaamba ayi Usi, Lefaya, Jeliyelo, Jamayi, Ibisamu alimwi aShemuwelo. Aba bakalinga bamatanjilili ba bamumaanda a cipani cakwe Tola alimwi bakalinga bashilumamba bapukite. Muciindi ca mwaami Defedi bamulunyungu lwabo bakalinga bashika 22,600.

³ Usi wakashala Isilaiya, Isilaiya wakashala baana bone, nkokwaamba ayi Mikaeli, Obadiya, Jowelo alimwi aIshiya. Boonse abo bakalinga bamatanjilili ba bamumaandaabo.

⁴ Kweelana amakani akalinga kusansulula bamulunyungu lwabo, bakakonsha kukusha bashilumamba bali 36,000 ceebo bakalinga kucite bamakaabo abaana baanji.

⁵ Mumakani akalinga kusansulula bamulunyungu lwakwe Isaka mwakalinga kulembetwe ayi bakalinga kucite bashilumamba bali 87,000.

Bamulunyungu lakwe Benjameni aDani

⁶ Benjameni wakashala baana botatwe, nkokwaamba ayi Bela, Beka, alimwi aJediayelo.

⁷ Bela wakashala baana bosanwe, nkokwaamba ayi Esiboni, Usi, Usiyelo, Jelimoti alimwi aIli. Abo mbobakalinga bamatanjilili ba bamumaanda a mucipani cabo alimwi bakalinga bashilumamba bapukite. Kweelana amakani akalinga kusansulula bamulunyungu lwabo bakalinga kucite bashilumamba bali 22,034.

⁸ Beka wakashala baana bosanwe abone, nkokwaamba ayi Semila, Joashi, Eliyesa, Eliyoenayi, Omuli, Jelemoti, Abija, Anatoti alimwi aAlemeti.

⁹ Mumakani akalinga kusansulula bamulunyungu lwabo mwakalinga kulembetwe bamatanjilili ba bamumaandaabo alimwi abashilumamba bali 20,200.

¹⁰ Jediayelo wakashala Biluani. Biluani wakashala baana bosanwe abobilo, nkokwaamba ayi Jeushi, Benjameni, Eyudi, Kenaana, Setani Tashishi alimwi aAyishaya.

¹¹ Bantu aba bakalinga bamatanjilili ba bamumaandaabo alimwi boonse bakalinga bashilumamba bapukite. Pakati ka bamulunyungu lwabo pakalinga bashilumamba bali 17,200.

¹² Shupimu alimwi aUpimu abalo bakalinga bamulunyungu lwakwe Ili. Dani wakashalabo mwaana womwi Ushimu.

Bamulunyungu lwakwe Nafutali

¹³ Nafutali wakashala baana bone, nkokwaamba ayi Jaasiyelo, Guni, Jeseli alimwi aShalumu. Aba bakalinga bamulunyungu lwakwe Biluya.

Bamulunyungu lwakwe Manase

¹⁴ Kuswa kuli kasuwa mwine Alamu, Manase wakashala baana bali bobilo, Asiliyelo alimwi aMakiya. Lakwe Makiya wakashala Gilyadi.

¹⁵ Makiya wakeebela Upimu alimwi aShupimu. Nankashi yakwe Makiya wakalinga Maaka. Mwanaakwe Makiya musankwa wabili wakalinga Selofeyadi uyo wakashalabo baana banakashi.

¹⁶ Maaka mukaakwe Makiya wakashala baana basankwa bobilo abo bakalinga kwiitwa ayi Peleshi alimwi aSheleshi. Peleshi wakashala baana basankwa bobilo, Ulamu aLakemu.

¹⁷ Ulamu wakashala Bedani. Boonse aba mbobamulunyungu lwakwe Gilyadi mwanaakwe Makiya alimwi mwishikulu wakwe Manase.

¹⁸ Nankashi yakwe Gilyadi, Amolekiti wakashala baana botatwe, nkokwaamba ayi Ishodi, Abiyesa alimwi aMala.

¹⁹ Shemida wakashala baana bone, nkokwaamba ayi Aiyani, Shekemu, Liki alimwi aAniyamu.

Bamulunyungu lwakwe Efuleemu

²⁰ Aba mbobamulunyungu lwakwe Efuleemu. Shutela wakashala Beledi, Beledi wakashala Taati, Taati wakashala Eleyada, Eleyada wakashala Taati,

²¹ Taati wakashala Sabadi, Sabadi wakashala Shutela. Efuleemu wakashala baana bamwi bobilo, Esa alimwi aElyadi. Abo bobilo bakacaikwa ndibakalinga kusuni kwiipa shifubwa shakalinga sha bene Gati bamwi.

²² Efuleemu ishiwabo wakabalila baana bakwe kwanshiku shiinji alimwi bamakwabo boonse bakesa mukumulishaanya.

²³ Kuswawaawo wakakumana amukaakwe alimwi. Lyalo wakamita akushala mwaana musankwa, Beliya. Bakamutumba ayi Beliya ceebo ca mapensho ayo akesa paŋanda yabo.

²⁴ Efuleemu wakashala mwaana mwanakashi, Sheela uyo wakayaka ndabala ya Beti Oloni ya munkunamo aya petala, pantu pomwi aUseni Sheela.

²⁵ Efuleemu wakashala amwaana musankwa, Lefa uyo wakalinga kucite bamulunyungu lwakwe aba. Lefa wakashala Leshefu, Leshefu wakashala Tela, Tela wakashala Taani,

²⁶ Taani wakashala Ladani, Ladani wakashala Amiyudi, Amiyudi wakashala Elishama,

²⁷ Elishama wakashala Nani, Nani wakashala Joshuwa.

²⁸ Cishi cabo cakalinga ndabala inene ya Betelo pantu pomwi amandabala ashingulukite kuya mukushika akuNaalani kwicwe. Kuya kumbo cakalinga kushika kundabala inene ya Geseli pantu pomwi amandabala ashingulukite. Ndabala inene ya Shekemu aya Aya akalinga mukati ka cishi cabo pantu pomwi amandabala akalinga kwaashingulukite.

²⁹ Bamulunyungu lwakwe Manase mbobakalinga kulela ndabala ya Beti Shani, Tanaki, Megido aya Doli pantu pomwi amandabala akalinga kwaashingulukite. Bamulunyungu lwakwe Josefu mwanaakwe Jakobo mbobakalinga kwikala mumandabala ayo.

Bamulunyungu lwakwe Asha

³⁰ Aba mbobamulunyungu lwakwe Asha. Wakashala baana basankwa bone, nkokwaamba ayi Imuna, Ishifa, Ishifi alimwi aBeliya. Wakashala amwaana mwanakashi womwi, Sela.

³¹ Beliya wakashala baana basankwa bobilo, Eba alimwi aMalukiyelo uyo wakalinga ishi Besaiti.

³² Eba wakashala baana basankwa botatwe, nkokwaamba ayi Jafuleti, Shoma alimwi aOtamu. Wakashala amwaana mwanakashi womwi, Shuwa.

³³ Jafaluti alakwe wakashala baana basankwa botatwe, nkokwaamba ayi Pasaki, Bimualu alimwi aAshifati.

³⁴ Shoma mukwabo musankwa wakashala baana botatwe, nkokwaamba ayi Loga, Jeuba alimwi aAlamu.

³⁵ Otamu mukwabo umwi wakashala baana bone, nkokwaamba ayi Sofa, Imuna, Sheleshi alimwi aAmali.

³⁶ Bamulunyungu lwakwe Sofa bakalinga mbaaba: Suwa, Alinefa, Shuwalu, Beli, Imila,

³⁷ Besa, Odi, Shama, Shilisha, Itulani alimwi aBiyala.

³⁸ Bamulunyungu lwakwe Jeta bakalinga mbaaba: Jefune, Pisipa alimwi aAla.

³⁹ Bamulunyungu lwakwe Ula bakalinga mbaaba: Ala, Aniyelo alimwi aLisiya.

⁴⁰ Aba boonse bakalinga bamulunyungu lwakwe Asha, bamatanjilili ba bamumaanda, bashilumamba bapukite, alimwi bamatanjilili bacibwene. Kweelana amakani akalinga kusansulula bamulunyungu lwabo bakalinga kucite bashilumamba bali 26,000.