1 Makani 4 - Baibo Busansulushi Bwa Libuku Ili

Bamulunyungu lwakwe Juda

¹ Aba mbobamulunyungu lwakwe Juda. Pelesi, Esiloni, Kami, Ulu alimwi aShobali.

² Shobali wakashala Leyaya, Leyaya wakashala Jaati, Jaati wakashala Aumayi alimwi aLaadi. Boonse aba mbamushipani sha bene Sola.

³ Ulu wakashala baana basankwa botatwe, nkokwaamba ayi Etamu, Penuwelo, alimwi aEsa. Etamu wakashala Jesiliilu, Ishima, alimwi aIdibashi. Nankashi yabo nguAseleliponi.

⁴ Penuwelo wakayaka ndabala ya Gedo, alakwe Esa wakashala Usha. Aba mbobamulunyungu lwakwe Ulu mwaana wakwiiya wakwe Efulata uyo wakayaka ndabala ya Betileemu.

⁵ Ashuli uyo wakayaka ndabala ya Tekowa wakalinga kweebete banakashi bobilo, Ela alimwi aNaala.

⁶ Muli Naala wakashalilamo baana bone, nkokwaamba ayi Ausama, Efa, Temeni alimwi aAyashitali.

⁷ Muli Ela wakashalilamo baana basankwa botatwe, nkokwaamba ayi Seleti, Isa alimwi aEtinani.

⁸ Kosi wakashala Anubu alimwi aSobeba. Kosi wakalinga mushali mukulukulu wa bamushipani shakaswa kuli Aalelo mwanaakwe Alumu.

⁹ Kwakalinga musankwa wiitwa ayi Jabesi uyo wakalinga kulemekwa abuumbi kwiinda bamakwabo. Banyina mbobakamutumba ayi Jabesi mukwiinga bakapenga abuumbi pakumutumbuka.

¹⁰ Jabesi wakapaila kuli Lesa wa bene Isilaeli ayi, “NobaLesa, amumpe coolwe cakuba acishi cinene. Amube anebo akuntabilila kuswa kushintu sheenga shancisa kwaamba ayi ntakanyumfwiwo kucisa.” Lyalo Lesa wakamupa isho shoonse nshaakasenga.

Mindando imwi ya mikowa

¹¹ Kalebu mukwabo Shuwa wakashala mwaana musankwa, Meya. Meya uyo wakashala Eshitoni,

¹² Eshitoni wakashala baana basankwa botatwe, nkokwaamba ayi Beti Lafa, Paseya alimwi aTeyina. Teyina wakashala Ili Naashi. Bantu aba abamulunyungu lwabo bakalinga kwikala muLeka.

¹³ Kenasi wakashala baana basankwa, Otiniyelo alimwi aSelaya. Otiniyelo alakwe wakashala baana basankwa bobilo, Atati alimwi aMeonotayi.

¹⁴ Meonotayi wakashala mwaana musankwa, Ofila. Selaya wakashala mwaana musankwa, Joabu uyo wakayaka Ge Alashimu. Musena uyo bakautumba boobo ceebo bantu boonse bakalinga kwikalaamo bakalinga kucishi shakupangapanga.

¹⁵ Kalebu mwanaakwe Jefune wakashala baana basankwa botatwe, nkokwaamba ayi Ilu, Ela alimwi aNaamu. Ela wakashala Kenasi.

¹⁶ Jeyaleleli wakashala baana basankwa bone, nkokwaamba ayi Sifi, Sifa, Tiliya alimwi aAsalelo.

¹⁷ Esila wakashala baana basankwa bone, nkokwaamba ayi Jeta, Meledi, Efa alimwi aJaloni. Mukaakwe Meledi umwi wakashala Milyamu, Shamayi alimwi aIshiba uyo wakayaka ndabala ya Eshitemowa.

¹⁸ Mukaakwe mwine Juda wakashala Jeledi uyo wakayaka ndabala ya Gedo, Eba uyo wakayaka ndabala ya Soko, Jekutiyelo uyo wakayaka ndabala ya Sanowa. Aba boonse bakalinga bana bakwe Bitiya mwanaakwe Falawo uyo wakalinga kweebetwe kuli Meledi.

¹⁹ Odiya wakeeba nankashi yakwe Naamu. Bamulunyungu lwabo mbobakashala bamucipani cakwe Gamu ico cakalinga kwikala mundabala ya Keila, alimwi abamucipani cakwe Maakati ico cakalinga kwikala mundabala ya Eshitemowa.

²⁰ Shimoni wakashala baana basankwa bone, nkokwaamba ayi, Amunoni, Lina, Benanani alimwi aTiloni. Ishi wakashala baana basankwa bobilo, nkokwaamba ayi Soweti alimwi aBensoweti.

Bamulunyungu lwakwe Shela

²¹ Shela wakalinga womwi wa bana bakwe Juda. Bamulunyungu lwakwe bamwi bakalinga Eli uyo wakayaka ndabala ya Leka, Laada uyo wakayaka ndabala ya Malesha bamucipani ca baabo beshikutunga nsalu shiteshimite abo bakalinga kwikala mundabala ya Beti Ashibeya,

²² Jokimu abantu bakalinga kwikala mundabala ya Koseba, pantu pomwi aJoashi alimwi aSalafi abo bakalinga kweebete banakashi bene Moabu. Lyalo bakatalika kwikala mundabala ya Betileemu. Makani aya ngakulukulu.

²³ Bantu aba bakalinga babumbi abo bakalinga kusebensela mwaami alimwi bakalinga kwikala mundabala ya Netaimu aya Gedela.

Bamulunyungu lwakwe Simyoni

²⁴ Simyoni wakashala baana basankwa bosanwe, nkokwaamba ayi Nemuwelo, Jamini, Jalibu, Sela alimwi aShaulo.

²⁵ Shaulo wakashala mwaana musankwa, Shalumu. Shalumu wakashala Mibisamu, Mibisamu wakashala Mishima.

²⁶ Bamulunyungu lwakwe Mishima nguAmuwelo uyo wakashala Saka. Saka wakashala Shimeyi.

²⁷ Shimeyi wakashala baana basankwa likumi abaana bosanwe awomwi alimwi abanakashi bosanwe awomwi. Sombi bamakwabo bakashalabo bakubelenga, nkokwaamba ayi bamulunyungu lwakwe Simyoni tabakwe kufula mbuli bana bakwe Juda.

²⁸ Kushika muciindi ca mwaami Defedi, bamulunyungu lwakwe Simyoni bakalinga kwikala mundabala ya Biyasheba, Molada, Asashuwali,

²⁹ Biluya, Esemu, Toladi,

³⁰ Betiwelo, Oma, Sikilagi,

³¹ Beti Makaboti, Asasusimu, Beti Bili alimwi aShalaimu.

³² Bakalinga kwikala amumisena imwi ili yosanwe, nkokwaamba ayi Etamu, Aini, Limoni, Tokeni alimwi aAshani.

³³ Bamwi bakalinga kwikala mumishi yoonse yakalinga kushingulukite kuya mukushika akundabala ya Balati. Aya ngomakani ngobakalemba kusansulula bamulunyungu lwabo amisena umo mobakalinga kwikala.

^34-38 Bakalinga bamatanjilili ba bamushipani shabo nguMeshobabu, Jamuleki, Josha mwanaakwe Amasiya, Jowelo, Jewu mwanaakwe Joshibiya, Joshibiya wakalinga mwanaakwe Selaya, Selaya wakalinga mwanaakwe Asiyelo, Eliyeonayi, Jaakoba, Jeshoaya, Asaya, Adiyelo, Jesimiyelo, Benaya alimwi aSisa mwanaakwe Shifi, Shifi wakalinga mwanaakwe Alono, Alono wakalinga mwanaakwe Jedaya, Jedaya wakalinga mwanaakwe Shimuli, Shimuli wakalinga mwanaakwe Shemaya. Mukwiinga mukowa wabo wakalinga kuya cikomena,

³⁹ bakapalanganina kulubasu lwa kumbo kuya mukushika akuGedo uko nkobakalinga kweembelela mbelele shabo kwicwe lya cinyika ico ndabala inene nkoyakalinga kubete.

⁴⁰ Uko bakacana mafulo abotu alimwi cishi cakalinga liwesa, caluumuno alimwi citacite coongo. Bene Amu mbobakalinga kwikalaako uko pakutaanguna.

⁴¹ Paciindi cakwe Esekiya mwaami wa bene Juda, bamulunyungu lwakwe Simyoni bakaya mukulwana bene Amu mumatente pantu pomwi abene Meyuni abo bakalinga kwikala kooko akubanyonyoola cakumaninina. Lyalo bakekala uko ceebo kwakalinga bwiisu buunji bwa mbelele shabo.

⁴² Bene Simyoni bamwi bali 500 bakaya kucishi ca tulundu ca Siya. Bakatanjililwa abana bakwe Ishi basankwa, nkokwaamba ayi Pelatiya, Neyaliya, Lafaya alimwi aUsiyelo.

⁴³ Uko bakacaya bene Amaleki boonse bakapuluka. Ono uko nkobekala kushikila asunu.