1 Makani 2 - Baibo Busansulushi Bwa Libuku Ili

Bana bakwe Isilaeli

¹ Isilaeli wakashala baana bali likumi abobilo, nkokwaamba ayi Lubeni, Simyoni, Lefi, Juda, Isaka, Sebuluni,

² Dani, Josefu, Benjameni, Nafutali, Gadi alimwi aAsha.

Bamulunyungu lwakwe Juda

³ Juda wakashala baana bali bosanwe. Muli Batishuwa mukaakwe mwine Kenani wakashalilaamo Ele, Onani alimwi aShela. Ono Ele mwanaakwe wakwiiya wakalinga mucita shibi cakwaamba ayi Mwaami Lesa wakamucaya.

⁴ Tama mulokashi wakwe Juda, wakamushalila Pelesi aSela. Juda wakashala baana bosanwe pantu pomwi.

⁵ Pelesi wakashala baana bobilo, nkokwaamba ayi Esiloni alimwi aAmulu.

⁶ Shela mukwabo lakwe wakashala baana bosanwe, nkokwaamba ayi Simuli, Etani, Emani, Kalikoli alimwi aDada.

⁷ Mwanaakwe Kami nguAkani uyo wakaleta shimfulunganya pabene Isilaeli ndyaakeepa shintu shakabengwa kuli Lesa.

⁸ Lakwe Etani wakashalabo mwaana womwi, Asaliya.

Bamulunyungu lwa mwaami Defedi

⁹ Esiloni wakashala baana botatwe, nkokwaamba ayi Jelamiilu, Lamu alimwi aKalebu.

¹⁰ Ono mbulya bamulunyungu mbobakonkene kuswa kuli Lamu kuya mukushika kuli Jese: Lamu, Aminadabu, Nashoni uyo wakalinga mutanjilili wa mumukowa wakwe Juda,

¹¹ Salimoni, Bowasi

¹² Obedi alimwi aJese.

¹³ Jese wakashala baana bali bosanwe abobilo basankwa. Kuswa kuli Elyabu wakwiiya, nguAbinadabu, kuboolaawo nguShama,

¹⁴ kuboolaawo nguNetanelo, kuboolaawo nguLadayi,

¹⁵ kuboolaawo nguOsemu lyalo nkokwisa Defedi.

¹⁶ Jese wakashala abaana banakashi bobilo, nkokwaamba ayi Seluiya alimwi aAbigelo. Seluiya mwanaakwe Jese wakashala baana basankwa botatwe, nkokwaamba ayi Abishayi Joabu, alimwi aAsayelo.

¹⁷ Alakwe Abigelo mwanaakwe mwanakashi wakeebwa kuli Jeta uyo wakalinga wamulunyungu lwakwe Ishimaeli. Lyalo bakaba amwaana musankwa ngobakatumba ayi Amasa.

Bamulunyungu lwakwe Esiloni

¹⁸ Mpomunyaawo Kalebu mwanaakwe Esiloni wakeeba Asuba akushala mwaana mwanakashi Jelyoti. Kuswawaawo bakashala baana basankwa botatwe, nkokwaamba ayi Jesha, Shobabu alimwi aAdoni.

¹⁹ Lyalo Asuba ndyaakafwa, Kalebu wakeeba Efulati uyo wakamushalila mwaana musankwa, Ulu.

²⁰ Mwanaakwe Ulu wakalinga Uli, mwishikulu wakwe wakalinga Besalelo.

²¹ Esiloni ndyaakaba amyaaka makumi osanwe amyaaka likumi, wakeeba mwanaakwe Maki, nankashi yakwe Gilyadi akushala mwaana musankwa Segubu.

²² Alakwe Segubu wakashala mwaana musankwa, Jeya. Jeya uyo wakalela mandabala anene ali makumi obilo amandabala otatwe mucishi ca Gilyadi.

²³ Sombi mwaami wa bene Geshuli alimwi awa bene Alamu bakakoma mandabala ali makumi osanwe amandabala likumi muGilyadi, kubikaawo amushi wa Jeya awa Kenati. Bakakoma amandabala oonse akalinga pafwaafwi amandabala ayo. Bantu boonse bakalinga kwikala kooko bakalinga bamulunyungu lwakwe Makiya, ishi Gilyadi.

²⁴ Esiloni ndyaakafwa, Kalebu mwanaakwe musankwa wakeeba Efulata, mukalubinje uyo wakashiya baishi. Lyalo bakashala mwaana musankwa, Ashuli uyo wakayaka ndabala ya Tekowa.

Bamulunyungu lwakwe Jelamiilu

²⁵ Jelamiilu ngowakalinga mwaana musankwa wakwiiya wakwe Esiloni. Bana bakwe Jelamiilu bakalinga nguLamu wakwiiya, Buna, Oleni, Osemu alimwi aAija.

²⁶ Jelamiilu wakalinga kweebete aumwi wakalinga kwiitwa ayi Atala. Lakwe ngowakalinga nyina Onamu.

²⁷ Bana bakwe Lamu mwanaakwe Jelamiilu wakwiiya, nguMaasi, Jamini alimwi aEka.

²⁸ Bana bakwe Onamu nguShamayi alimwi aJada. Bana bakwe Shamayi nguNadabu alimwi aAbishuli.

²⁹ Abishuli wakeeba Abiyaili uyo wakamushalila Abani alimwi aMolidi.

³⁰ Bana bakwe Nadabu nguSeledi alimwi aApaimu. Seledi wakafwa kaatacitewo baana.

³¹ Apaimu wakashala Ishi, alakwe Ishi wakashala Sheshani, lyalo Sheshani wakashala Alayi.

³² Bana bakwe Jada mukwabo Shamayi nguJeta alimwi aJonasani. Jeta wakafwa kaatacitewo baana.

³³ Bana bakwe Jonasani nguPeleti alimwi aSasa. Boonse aba bakalinga bamulunyungu lwakwe Jelamiilu.

³⁴ Sheshani taakalinga kucitewo baana basankwa, sombibo banakashi. Wakalinga kucite musebenshi mwine Ijipiti wakalinga kwiitwa ayi Jala.

³⁵ Sheshani wakamupa mwanaakwe ayi eebe. Mpeeke bakashala mwaana musankwa akumutumba ayi Atayi.

³⁶ Ono mbulya bamulunyungu mbobakonkene kuswa kuli Atayi kuya mukushika kuli Elishama. Atayi, Natani, Sabadi,

³⁷ Efulali, Obedi,

³⁸ Jewu, Asaliya,

³⁹ Elesi, Eleyasa,

⁴⁰ Sisimayi, Shalumu,

⁴¹ Jekamiya alimwi aElishama.

Bamulunyungu lwakwe Kalebu bamwi

⁴² Bana bakwe Kalebu mukwabo Jelamiilu nguMesha wakwiiya uyo wakashala Sifu. Sifu wakashala Malesha, Malesha wakashala Ebuloni.

⁴³ Bana bakwe Ebuloni nguKola, Tapuwa, Lekemu alimwi aShema.

⁴⁴ Shema wakashala Laamu, Laamu wakashala Jolikeamu. Lyalo Lekemu wakashala Shamayi.

⁴⁵ Shamayi wakashala Maoni, Alakwe Maoni wakashala Beti Suli.

⁴⁶ Kalebu wakalinga kucite kasuwa, Efaa. Muli nguwe wakashalilaamo Alani, Mosa alimwi aGasesi. Alani wakashala Gasesi.

⁴⁷ Bana bakwe Jadayi mbaaba: Legemu, Jotamu, Geshani, Peleti Efaa alimwi aShaafa.

⁴⁸ Maaka kasuwa wakwe Kalebu wakamushalila Sheba alimwi aTeyana.

⁴⁹ Ngowakashala aShaafa alimwi aShefa. Shaafa wakashala Madimana alakwe Shefa wakashala Makibena aGibeya. Kalebu wakashala amwaana mwanakashi ngobatumba ayi Akisa.

⁵⁰ Aba mbobakalinga bamulunyungu lwakwe Kalebu. Bana bakwe Ulu mwaana wakwiiya wakwe Kalebu aEfulata, nguShobali uyo wakayaka ndabala ya Kilyati Jeyalimu,

⁵¹ Saluma uyo wakayaka ndabala ya Betileemu alimwi aAlefi uyo wakayaka ndabala ya Beti Gada.

⁵² Shobali uyo wakayaka ndabala ya Kilyati Jeyalimu, wakalinga ngomushali mukulukulu wa bene Alowe amusa wa bene Menuwoti

⁵³ alimwi ashipani sha baabo bakalinga kwikala mundabala ya Kilyati Jeyalimu. Nkokwaamba ayi bene Iti, Puti, Shuma alimwi abene Mishila. Bantu bakalinga kwikala mundabala inene ya Sola alimwi aya Eshitaoli bakalinga bamulunyungu lwa bamushipani isho.

⁵⁴ Bamulunyungu lwakwe Saluma mbaaba: Bene Betileemu, bene Netofa, bene Atoloti Beti Joabu musa wa bene Manaati alimwi abene Soli

⁵⁵ alimwi ashipani sha balembi bakalinga kwikala mundabala ya Jabesi. Bantu aba bakalinga bene Tilati, bene Shimeya alimwi abene Suka. Boonse aba mbamulunyungu lwakwe Keni wamulunyungu lwakwe Amati uyo wakalinga mushali mukulukulu wa bene Lekabu.