Bìoball air-loidhne

ZAKARI 10 - Bokobaru Bible

Dii ↄligana Yudanↄzi

¹ À lou gbeka Diia laudɛdɛgurↄ, zaakɛ Dii bé è tó lou sisi, è tó lou mańnɛ, è tó bura pↄ́nↄ kɛ baadenɛ.

² Tãanↄ è yã gɛ̀ o, màsokɛrinↄ è yã ɛgɛɛ e. Wɛ́ɛgupu'erinↄ yã nɛ́ mↄnafikiyãmɛ, aↄ̃ gbɛ̃nↄ nↄ̀sɛkpaɛnnɛna nɛ́ yã pãamɛ. Beee yãnzin gbɛ̃nↄↄ likↄ̃ana lán sãanↄ bà, aↄ̃ↄ kú nawɛ̃an kɛ̀ aↄ̃ↄ dã̀ri vĩro yãnzi.

³ Ma pↄↄ fɛ̃na aↄ̃ dã̀rinↄzi, mɛ́ wɛ́ɛ tã ń dↄn'aɛdee pìnↄa. Mamↄma Dii Zĩ̀kpɛde mɛ́ ↄ liga Yudanↄzi ma kpàsa pↄ́nↄ ũ, mɛ́ ń kɛ lán sↄ̃ kɛ̀ kãi nna zĩ̀lan bà.

⁴ Ɛ̃daɛgbɛ é bↄ ń tɛ́, kuta lípɛɛ kↄ̃n zĩ̀kasao é bↄ gwe, kpatablerinↄ é bↄ gwe ń píngi.

⁵ Aↄ̃égↄ̃ dɛ gↄ̃sagbãaanↄ ũ, aↄ̃é kɛ̀sɛ pɛ́ɛpɛɛ ń ibɛɛnↄa zĩ̀kazɛnↄn bↄtↄnga ũ. Lán má kúńyo nà, aↄ̃é zĩ̀ ká wà sↄ̃deenↄ fu.

⁶ Mɛ́ Yudanↄ gba gbãaa, mɛ́ Yusufu boriinↄ mì sí, mɛ́ suńyo ń gwena ziin, kɛ̀ má ń wɛ̃nda vĩ yãnzi. Aↄ̃égↄ̃ dɛ lán mɛ́ɛ ń zĩnna yãroo bà, zaakɛ mámbe Dii ń Luda ũ, mɛ́ yã weńla.

⁷ Ɛflaimunↄ égↄ̃ gↄ̃sagbãaanↄ ũ, aↄ̃ pↄↄ égↄ̃ nna lán wɛ̃ɛ ń kũ bà. Aↄ̃ nɛ́nↄ é e wà pↄnnaa kɛ, aↄ̃ pↄↄ é kɛ nna Diia.

⁸ Mɛ́ swee pɛ́ńzi mà ń kakↄ̃a, mɛ́ ń bo, aↄ̃é pari kũ lán yãa bà.

⁹ Baa tó ma ń fãakↄ̃a boriinↄ tɛ́, ma yã égↄ̃ dↄńgu zaa bùsu zã̀azãnↄa. Aↄ̃pinↄ kↄ̃n ń nɛ́nↄ égↄ̃ kuu aↄ̃ su.

¹⁰ Mɛ́ ń bↄɛ Igipiti bùsun mà suńyo, mɛ́ ń kakↄ̃a Asiria bùsun mà suńyo Giliada bùsun kↄ̃n Lɛbanↄo. Guu é mↄ́ḿmaro.

¹¹ Aↄ̃é bikũ Igipiti ísiaaa, aↄ̃é à í kokonanↄ fu, Nili í lↄ̀nↄ é baba. Asirianↄ wada é kpáɛ, Igipitinↄ iko é yãa.

¹² Mamↄma Dii Zĩ̀kpɛde ma bè, ma gbɛ̃nↄ é gbãa e ma guu aↄ̃gↄ̃ tɛ́mazi.

« Roimhe

Air adhart »

Lean sinn:

Ceanglaichean taic

Sanasan