SAAMUNƆ 97 - Bokobaru Bible

Dii mↄna

¹ Dii bé èe kí blee! Tↄↄtɛdeenↄ pↄnnaa kɛ, ísiabaadeenↄ gↄ̃ kú pↄnnaa guu.

² Ludambɛ sia kↄ̃n gusia níginigio ligazi, maakɛ kↄ̃n yãzɛdeeon à kpata kãsãa ũ.

³ Tɛ́ ègↄ̃ kũu à aɛ, è ibɛɛ kɛ̀ aↄ̃ↄ ligazinↄ kpata.

⁴ À loupina è tↄↄtɛ pu, tó anduna è, è luga.

⁵ Kpiiinↄ è yↄ́ lán zↄ́sa bà Dii aɛ, anduna píngi Dii aɛ.

⁶ Musudeenↄ è à maakɛɛ kpàakpa kɛ, bori sãnda píngi è à gakui e.

⁷ Wí è tãagbãgbãrinↄ kũ ń píngi, gbɛ̃ kɛ̀ aↄ̃è ĩa dã kↄ̃n pↄ́ ginanↄ. Tãanↄ é dↄnzi kɛnɛ ń píngi.

⁸ Zayↄndeenↄↄ mà wà pↄnnaa kɛ̀, Yuda wɛ́tɛdeenↄↄ kú pↄnnaa guu n yãkpaɛkɛnanↄ yãnzi, Dii.

⁹ Zaakɛ ń kú musu dɛ anduna píngila, Dii, ń dɛ tãanↄla ń píngi.

¹⁰ Dii ye gbɛ̃ kɛ̀ aↄ̃ zà yã zaaannↄzi, ègↄ̃ a yãmarinↄ wɛ̃̀ndi dãkpa, è ń bↄ zaakɛrinↄ ↄzĩ.

¹¹ Guu è dↄ gbɛ̃ maaanↄa, nↄ̀sɛpuradeenↄↄ pↄnnaa vĩ.

¹² Gbɛ̃ maaanↄ, à pↄnnaa kɛ Dii guu, à à tↄ́ kɛ̀ kú adona bↄ.

Lean sinn:

Ceanglaichean taic

Sanasan