SAAMUNƆ 95 - Bokobaru Bible

Luda táakilɛna

¹ À mↄ́ wà pↄnna lɛ̀ sí Diinɛ, wà guda dↄ Gbɛ̀si kɛ̀ è wa mì sía.

² Wà mↄ́ à aɛ wà à sáabu kpá, wà lɛ̀ sí wà à táaki lɛ́.

³ Zaakɛ Dii nɛ́ Luda kɛ̀ bítamɛ. Kí bítamɛ, à dɛ dii píngila.

⁴ Tↄↄtɛ zã̀ gĩzĩgĩzĩ kú à ↄzĩ, kpii mìsↄ̃ntɛ̃nↄ nɛ́ à pↄ́mɛ.

⁵ Ísia nɛ́ à pↄ́mɛ, zaakɛ à kɛ̀, àmbe à tↄↄtɛ í kàsa kↄ̃n a ↄↄo.

⁶ À mↄ́ wà kúɛ wà dↄnzi kɛ wà daɛ Dii wa Kɛ̀ri aɛ.

⁷ Zaakɛ àmbe wa Luda ũ, à kpàsa gbɛ̃nↄn wa ũ, à sãa kɛ̀ èe ń dãanↄ ũ. Tó a à kòto mà gbã̀a,

⁸ àton swãgbãaa kɛ lán a dezinↄ kɛ̀ nà zaa Mɛribaro ke Masa gurↄↄ kɛ̀ aↄ̃ↄ kú gbáan.

⁹ Baa kɛ̀ aↄ̃ ma yãkɛnanↄ è, aↄ̃ ma lɛ wà ma gwa gwe.

¹⁰ Ben ma pↄ fɛ̃̀ gbɛ̃ pìnↄzi ai wɛ̃̀ baplaa, ma bè gbɛ̃ sãsãnanↄn ń ũ, aↄ̃ↄ ma zɛ́nↄ dↄ̃ro.

¹¹ Ben ma la dà ma pↄfɛ̃ guu ma bè, aↄ̃é gɛ̃ ma kámmabokiinlo.