SAAMUNƆ 94 - Bokobaru Bible

Ludan yãkpaɛkɛri ũ

¹ Dii Luda gɛ̃ɛboḿmari, Luda gɛ̃ɛboḿmari, ǹ bↄ gupuraaa!

² Anduna yãkpaɛkɛri, ǹ fɛɛ, ǹ fĩa bo wadadeenↄnɛ ń yãkɛnaa.

³ Gbɛ̃ zaaanↄ égↄ̃ ń zĩnda sɛɛ lezĩ ai bↄrɛmɛ? Ai bↄrɛmɛ, Dii?

⁴ Zaakɛrinↄ è wada yã o, aↄ̃è yã bↄɛ aↄ̃è ĩa dã ń píngi.

⁵ Dii, aↄ̃è n gbɛ̃nↄ dúgu zↄ̃, aↄ̃è gbãaa mↄ gbɛ̃ kɛ̀ n ń sɛ́nↄnɛ.

⁶ Aↄ̃è gyaanↄnↄ kↄ̃n bↄ̀amↄnↄ dɛdɛ, aↄ̃è tonɛnↄ kaatɛ.

⁷ Aↄ̃è be Dii e ń ero, Yakubu boriinↄ Luda làakari kúḿmaro.

⁸ A yↄ̃nkↄↄnↄ, à làakari kɛ! A mìsaideenↄ, é ↄ̃ndↄ̃ kũ bↄrɛn yee?

⁹ Luda bé à swã dↄ̀, eé gí yã maziↄ́? À wɛ́ɛ kɛ̀, eé gí guu eziↄ́?

¹⁰ È boriinↄ tòto kɛ, eé gí ń swã gágaziↄ́? È yã dańnɛ, à dↄ̃na vĩnloo?

¹¹ Dii gbɛ̃ntee laasuu dↄ̃, kɛ̀ yã pãamɛ.

¹² Aubarikadeen gbɛ̃ kɛ̀ nɛɛ̀ tòto kɛ ǹ n doka danɛ ũ, Dii.

¹³ Nɛɛ̀ à gba kámmabona nawɛ̃akɛgurↄ, ai wàgↄ̃ wɛ̀ɛ yↄ̃ zaakɛrinɛ.

¹⁴ Dii é pã kpá a gbɛ̃nↄziro, eé gbɛ̃ kɛ̀ à ń sɛ́ a pↄ́ ũunↄ zĩnnaro.

¹⁵ Weé ɛara wà yãkpaɛ kɛ a zɛ́a, nↄ̀sɛpuradeenↄ é zɛo.

¹⁶ Dé bé eé fɛɛmɛ gbɛ̃ zaaanↄzi? Dé bé eé zɛmao zaakɛrinↄ yã musuu?

¹⁷ Tó èe kɛ Dii dↄnlɛ kɛ̀mɛnlo, lɛ má kú miran kítikiti kↄ̀.

¹⁸ Kɛ̀ ma bè gu zãɛ e ma sɛɛɛ, n ma kũ n gbɛ̃kɛɛ guu, Dii.

¹⁹ Kɛ̀ laasuu ma swɛ̃̀ pà, n ma làakari kpàɛmɛ n ma pↄↄ kɛ̀ nna.

²⁰ N bà égↄ̃ kú kↄ̃n yãlɛkpɛɛgↄ̃gↄ̃rinↄ kpataoↄ́? Aↄ̃ yãdiɛnanↄ è mↄ́ńnɛ kↄ̃n nawɛ̃ao,

²¹ Aↄ̃è lɛ́ kpakↄ̃sↄ̃ gbɛ̃ maaazi, aↄ̃è yã da taarisaideela wà à dɛ.

²² Diin ma zɛki gbãaa ũ, ma Ludan gbɛ̀si kɛ̀ mɛɛ̀ utɛn ũ.

²³ Eé ń zaakɛna sↄkpaḿma, eé ń borii bↄ aↄ̃ taarinↄ yãnzi. Dii wa Luda é ń borii bↄ.

Lean sinn:

Ceanglaichean taic

Sanasan