SAAMUNƆ 91 - Bokobaru Bible

Ludan wa dãkpari ũ

¹ Gbɛ̃ kɛ̀ utɛna Luda Musude ↄzĩ égↄ̃ kú Gbãapingide ↄrazi.

² Eé be Diin a zɛki gbãaa ũ, a Ludan a utɛkii ũ, á à náanɛ vĩ.

³ Àmbe é n sí karia, eé n mì sí gagyãaa.

⁴ Eé n sↄtↄ a pↄtɛ, nɛ́gↄ̃ utɛna à ↄru, à náanɛkɛɛ bé eé n dãkpa lán sɛngbango bà.

⁵ Gwãavĩ kainↄ kↄ̃n fãantɛ̃ kà vĩananↄ aↄ̃ ke vĩa é n kũro,

⁶ ke gagyãa kɛ̀ ègↄ̃ tɛ́ gusiaan ke gyãgɛ̃wɛtɛ kɛ̀ è ń le fãantɛ̃ gbãaa.

⁷ Baa tó gↄ̃ↄn wàa sↄↄroo e lɛɛɛ n saɛ, ke gↄ̃ↄn bↄrↄ kuri e gaa n ↄplaazi, pↄ́ke é n lero.

⁸ Nɛ́ wɛ́ɛ sɛ́ ǹ gwa, nɛ́ e lán wè wɛ́ɛ tã zaakɛrinↄa nà.

⁹ Tó n Luda Musude kɛ̀ n utɛkii ũ, tó n Dii kɛ̀ n kúkii ũ,

¹⁰ yã zaa ke é n lero, mↄ́nzi é gɛ̃ n uaro.

¹¹ Zaakɛ eé n yã o a malaikanↄnɛ, lɛ aↄ̃ n dãkpa guu kɛ̀ nɛ́ɛ gaan píngi.

¹² Aↄ̃é n sɛ́ ń ↄzĩ lɛ ǹton gɛ̃̀n sí gbɛ̀aro yãnzi.

¹³ Nɛ́ kɛ̀sɛ zɛ músua kↄ̃n kárɛo, nɛ́ kɛ̀sɛ pɛ́ɛpɛɛ gbèkaa kↄ̃n pitigooo.

¹⁴ Dii bè: Zaakɛ à nàmazi, mɛ́ à bↄ, zaakɛ à ma dↄ̃, mɛ́ ↄ kúa.

¹⁵ Eé ma sísi, mɛ́ weàla, tó yã nàkↄ̃rɛa, mɛ́gↄ̃ kúo, mɛ́ à mì sí mà à kpe da.

¹⁶ Mɛ́ à pↄↄ kɛ nna kↄ̃n wɛ̃̀ndi gbã̀ao, mɛ́ tó à e lán mɛɛ̀ gbɛ̃ mì sí nà.

Lean sinn:

Ceanglaichean taic

Sanasan