SAAMUNƆ 85 - Bokobaru Bible

Aafia wɛ́ɛkɛna Ludaa
Kora boriinↄ lɛ̀.

¹ N aubarika dà n bùsun, Dii, n ɛara ǹ su kↄ̃n Yakubu boriinↄ ń gwena ziin.

² N n gbɛ̃nↄ taarinↄ gògo, n ń durunnↄ kɛ̃̀ńnɛ píngi.

³ N n pↄ kpã̀kpa tò píngi, n n pↄfɛ̃ pãsĩ tò.

⁴ Ǹ sↄkpawao wa gwena ziin, Luda wa Mìsiri, ǹ pɛ̃tɛ̃ kɛ̀ ń kɛ̀wao lago.

⁵ N pↄↄ égↄ̃ fɛ̃nawazi gurↄ píngin yↄ́? Nɛ́gↄ̃ n pↄfɛ̃gurↄↄ gagaa wɛ̃̀ kↄ̃n wɛ̃̀on yↄ́?

⁶ Nɛ́ ɛara ǹ n gbɛ̃nↄ kuuna kɛkɛ ǹ kɛńnɛ dↄ, lɛ aↄ̃ pↄↄ e à kɛmma nnaroo?

⁷ Dii, ǹ n gbɛ̃kɛɛ ↄdↄawe, ǹ wa mì sí kↄ̃n n gbãaao.

⁸ Ma swã dↄ Dii Luda yã'onazi, zaakɛ è aafia lɛ́ gbɛ̃ a yãmarinↄnɛ, tó aↄ̃ↄe ɛara wà sↄ̀kpa ń yↄ̃̀nkↄyãnↄziro.

⁹ À vĩakɛrinↄ mìsina gurↄↄ zã̀ro, lɛ à gakui e àgↄ̃ kú wa bùsun yãnzi.

¹⁰ Gbɛ̃kɛ kↄ̃n náanɛo è dakↄ̃rɛ, yãzɛde kↄ̃n aafiao è ↄ kpákↄ̃a.

¹¹ Náanɛ è ↄ poro musu, yãzɛdee è ↄ nↄnↄ tↄↄtɛa.

¹² Dii é à maaa kɛwe, wa tↄↄtɛ é pↄ́blee kɛ.

¹³ Yãzɛdee ègↄ̃ tɛ́ à aɛ, è zɛ́ kɛkɛnɛ.

Lean sinn:

Ceanglaichean taic

Sanasan