SAAMUNƆ 8 - Bokobaru Bible

Luda gakui yã'ona

Dauda lɛ̀.

¹ Dii wa Dii, n tↄ́ bↄna anduna gu píngia, n gakui bↄna gupuraaa musu.

² Ń dà nɛ́ fétenↄnɛ kↄ̃n nɛ́kpãntɛ̃nↄ aↄ̃ n sáabu kpá lɛ n ibɛɛnↄ kↄ̃n n zanguri gɛ̃ɛbommarinↄ yĩtɛ.

³ Kɛ̀ ma n zĩi gwà musu, mↄvura kↄ̃n sↄsↄnɛ kɛ̀ ń pɛ̀pɛ gweenↄ,

⁴ ma bè bↄ́n gbɛ̃ntee ũ kɛ̀ à yã ègↄ̃ dↄnguu? Bↄ́n à ũ kɛ̀ nɛɛ̀ làakari dↄa?

⁵ N à kɛ̀ kɛ̃sãna malaikanↄzi féte, n à kà kín kↄ̃n gakuio kↄ̃n bɛ̀ɛo.

⁶ Ń tò à kí blè pↄ́ kɛ̀ ń kɛ̀nↄa, ń tò pↄ́ sãnda píngi mì sìɛnɛ,

⁷ sãanↄ kↄ̃n zùnↄ kↄ̃n nↄ̀bↄsɛ̃tɛnↄ píngi,

⁸ bãanↄ kↄ̃n kpↄ̀nↄ kↄ̃n pↄ́ kɛ̀ kú ísiaannↄo.

⁹ Dii wa Dii, n tↄ́ bↄna anduna guu píngi.