SAAMUNƆ 76 - Bokobaru Bible

Ludan zĩ̀blena gbãaa ũ

Asafa lɛ̀. Wè sí kↄ̃n mↄrↄnↄo.

¹ Wà Luda dↄ̃ Yuda bùsummɛ, à tↄ́ bíta Isarailinↄ tɛ́.

² À bisakutaa kú Salɛmu, à kúkii kú Zayↄn.

³ Zaa gwen à kà wãaanↄ ɛ̀'ɛn kↄ̃n sɛngbangonↄ kↄ̃n fɛ̃ɛdaanↄ kↄ̃n zĩ̀kabↄnↄo.

⁴ Nɛɛ̀ guu pu nɛɛ̀gↄ̃ tɛ́ kɛɛ, n bítakɛɛ dɛ kpiii kɛ̀ aↄ̃ kuu gurↄ pínginↄla.

⁵ N kùgbãadeenↄ gbãaa sìḿma, aↄ̃ↄ daɛna kↄ̃n ga'iio, gↄ̃ gbãaa pìnↄ dokee e fↄ̃ à a ↄↄ sɛ̀ro.

⁶ Yakubu Luda, n kpãkɛ̃ńzi, ben sↄ̃nↄ kↄ̃n ń sↄ̃goronↄ gↄ̃̀ kaɛna.

⁷ Ḿbe ń naasi vĩ ndo, tó n pↄ́ bↄ̀ n yĩzĩ, dé bé eé fↄ̃ à zɛ n aɛɛ?

⁸ Zaa musu n yãkpaɛ kɛ̀, vĩa anduna kũ̀, à yĩ̀tɛ kítikiti,

⁹ zĩ kɛ̀ Luda, n fɛɛ ǹ yã gↄ̃gↄ̃ andunanɛ lɛ ǹ gbãasaideenↄ mì sí.

¹⁰ N pↄfɛ̃na gbɛ̃nↄzi è n tↄ́ bↄ, n pↄfɛ̃ kpaaa ègↄ̃ dↄ n pii.

¹¹ À lù sɛ́ Dii a Ludanɛ à à fĩa bo. Amↄa kɛ̀ á ligawaziinↄ, à mↄ́ à Luda kɛ̀ dɛ wàgↄ̃ à vĩa vĩi gba pↄ́.

¹² È kpatablerinↄ kã busa, è tó vĩa anduna kínanↄ kũ.