SAAMUNƆ 75 - Bokobaru Bible

Ludan yãkpaɛkɛri ũ
Asafa lɛ̀.

¹ Wa sáabu kɛ̀nnɛ Luda, wa sáabu kɛ̀nnɛ. Tó wà n yãbↄnsaɛnↄ tↄ̃kɛ̃̀, nɛɛ̀gↄ̃ kú kĩi.

² Luda bè: Ma gurↄↄ dìɛ kɛ̀ mɛ́ yãkpaɛ kɛ a zɛ́a.

³ Tó anduna nìgã kↄ̃n gbɛ̃ kɛ̀ aↄ̃ kúnnↄ ń píngi, mámbe mɛɛ̀ à wesagbanↄ kũ gíngin.

⁴ Mɛɛ̀ o wadadeenↄnɛ aↄ̃ton ĩa dãro, mɛɛ̀ o zaakɛrinↄnɛ aↄ̃ton kùsɛ biiro.

⁵ Àton kùsɛ bii ludambɛaro, àton waa nↄnↄmaziro.

⁶ Zaakɛ gbãaa è bↄ ↄfãntɛ̃bↄɛ kpa ke a gɛ̃kpɛn kparo, è bↄ gbáanlo,

⁷ Ludan yãkpaɛkɛri ũ, àmbe è gbɛ̃ doo lago à gbɛ̃ doo kaara.

⁸ Togoo kú Dii ↄzĩ, í gbãaa kán à pà, èe sɛsɛɛ à pↄfɛ̃ ũ. È kú anduna zaakɛrinↄnɛ ń píngi, ben aↄ̃è mi wà yãa láe kↄ̃n à gbↄ̃̀o.

⁹ Mapi sↄ̃, mɛ́gↄ̃ yã pì oo gurↄ píngi, mɛ́ Yakubu Luda táaki lɛ́.

¹⁰ Mɛ́ zaakɛrinↄ koba ɛ́'ɛ, gbɛ̃ maaanↄ koba sↄ̃, mɛ́ sɛ́ musu.

Lean sinn:

Ceanglaichean taic

Sanasan