SAAMUNƆ 66 - Bokobaru Bible

Luda sáabukpana

¹ Anduna gbɛ̃ píngi, à guda dↄ Diia.

² À lɛ̀ sí à tↄ́ gakuikɛɛ musu, à à táaki lɛ́ à à tↄ́ bↄ.

³ À be Ludanɛ: N yãkɛnanↄↄ naasi vĩ, n gbãa bíta è tó n ibɛɛnↄ na ń sàsaa.

⁴ Anduna píngi è kúɛnnɛ, aↄ̃è n táaki lɛ́ wà n tↄ́ bↄ.

⁵ À mↄ́ à Luda yãkɛnanↄ gwa, yã kɛ̀ à kɛ̀ gbɛ̃nteenↄnɛ naasi vĩ.

⁶ À ísiaa lì gukori ũ, aↄ̃ swaa bikũ̀ kɛ̀sɛ. Wà pↄnnaa kɛ à yã musu.

⁷ Ègↄ̃ kí blee kↄ̃n a gbãaao gurↄ píngi, à wɛ́ɛ ègↄ̃ kú boriinↄa. Swãgbãadeenↄ tón dↄkɛoro.

⁸ Boriinↄ, à wa Luda sáabu kpá, à táakilɛna gↄ̃ kú a lɛ́n.

⁹ À wa wɛ̃̀ndi dã̀kpawe, èe tó wa gbá sàtaro.

¹⁰ Luda, zaakɛ n wa yↄ̃ n wa gwa, n wa baasa lán kondogi bà.

¹¹ N wa ka kpɛ́siaan, n aso tìisi dìwe wa kpɛɛ.

¹² Ń tò wà dìwa lán sↄ̃ bà, wa wɛ́ɛ tɛ́ mà, í dàwala, ben n mↄwao gunnamana guu.

¹³ Mɛ́ mↄ́ n ua mà sa'opↄ kɛ̀ wè ká tɛ́n à tɛ́ kũ o, mɛ́ lù kɛ̀ má sɛ̀nnɛɛnↄ fĩa bonnɛ,

¹⁴ yã kɛ̀ bↄ̀ ma lɛ́n ma nawɛ̃akɛgurↄ.

¹⁵ Mɛ́ saa omma kↄ̃n pↄ́ mɛ̀kpananↄ, mɛ́ sãkaronↄ kpatannɛ, mɛ́ n gbãgbã kↄ̃n zùswareenↄ kↄ̃n blèkofĩinↄo.

¹⁶ Amↄa kɛ̀ á Luda vĩa vĩinↄ, à mↄ́ à ma a píngi, mɛ́ yã kɛ̀ à kɛ̀mɛɛ oare.

¹⁷ Ma wii pɛ̀zi, à táakilɛna da ma lɛ́n.

¹⁸ Tó ma yã zaaa dà ma swɛ̃̀n, lɛ Dii gì ma yã mazi.

¹⁹ Mↄde à ma yã mà, ben à ma aduakɛna sì.

²⁰ Aubarikadeen Luda ũ, èe gí ma aduakɛna maziro, èe gímɛ a gbɛ̃kɛɛoro.