SAAMUNƆ 64 - Bokobaru Bible

Ǹ ma sí gbɛ̃ zaaanↄ ↄzĩ
Dauda lɛ̀.

¹ Luda, ǹ ma m̀bna ma, ǹ ma bↄ ma ibɛɛ kɛ̀ aↄ̃ↄe vĩa daamaziinↄ ↄzĩ.

² Ǹ ma utɛ gbɛ̃ zaaa kɛ̀ aↄ̃ lɛ́ kpàkↄ̃sↄ̃maziinↄnɛ, zaakɛri zↄkadee pìnↄ.

³ Aↄ̃è ń lɛ́ lɛ́ kɛ lán fɛ̃ɛdaa bà, yã pãsĩnↄ è bↄ ń lɛ́n lán kà sɛwɛɛdee bà.

⁴ Aↄ̃è taarisaidee dãdã lɛ wà à pá, aↄ̃è à pá kãndo, vĩa è ń kũro.

⁵ Aↄ̃è kↄ̃ yĩpa wà da zaakɛna guu, aↄ̃è bàkpakpannɛna gusaɛ yã gↄ̃gↄ̃ aↄ̃è be: Gbɛ̃ke é wa ero.

⁶ Aↄ̃è zaakɛna yã gↄ̃gↄ̃ wà be, yã kɛ̀ wa à lɛ́ kpàkↄ̃sↄ̃ bↄɛzina. Gbɛ̃ntee nↄ̀sɛguuyãnↄ asii bíta.

⁷ Mↄde Luda é ń pá kào, eé ń kɛ̃nna kãndo.

⁸ Eé tó yã kɛ̀ aↄ̃ↄ ò wí ń musu, gbɛ̃ kɛ̀ ń é píngi égↄ̃ mì kɛ degũdegũ wà be taalɛ.

⁹ Vĩa é baade píngi kũ, aↄ̃é Luda yãkɛnanↄ tↄ̃kɛ̃, aↄ̃égↄ̃ yã kɛ̀ à kɛ̀nↄ laasuu lɛɛ.

¹⁰ Gbɛ̃ maaanↄ, àgↄ̃ pↄnnaa kɛɛ Dii guu à nazi, nↄ̀sɛpuradeenↄ, àgↄ̃ à táaki lɛɛ á píngi.

Lean sinn:

Ceanglaichean taic

Sanasan