SAAMUNƆ 60 - Bokobaru Bible

Wé zĩ̀ ble kↄ̃n Luda gbãaao

Lɛ̀ kɛ̀ Dauda dà gurↄↄ kɛ̀ à zĩ̀ kà kↄ̃n Siria kɛ̀ aↄ̃ↄ kú Mɛsↄpↄtamia bùsun kↄ̃n Zoba bùsu guunↄ, ben Yoabu mↄ̀ à Ɛdↄmunↄ dɛ̀dɛ Guzurɛ Wisideen gↄ̃ↄn bↄrↄ kuri awɛɛplaa.

¹ Luda, n pↄ fɛ̃̀wazi, n ↄ gbàrɛwazi n wa zĩnna. Ǹ sↄkpa ǹ aɛ dↄwa sa.

² Ń tò wa bùsu nìgã ai à pàra. Ǹ ɛara ǹ tata a gbɛ̀n, zaakɛ à gↄ̃̀ kpámmɛ.

³ Ń tò yã zĩ'ũu sù n gbɛ̃nↄa, n wa kaka í gbãaao, ben wée tàtaatataa boo.

⁴ Mↄde n tuuta dↄ̀ n vĩakɛrinↄnɛ, lɛ aↄ̃ e wà bↄ gbɛ̃nↄ ságana lɛ́zĩ.

⁵ Ǹ wewala ǹ wa mì sí kↄ̃n n gã̀sã gbãaao lɛ wamↄwa n gbɛ̃ yenzideenↄ e wà bↄ.

⁶ Luda yã ò zaa a kúkiia à bè: Mɛ́ Sɛkɛmu kpaatɛtɛ kↄ̃n zĩ̀blena wiiio, mɛ́ gba da kↄ̃n Suko guzurɛo.

⁷ Giliada bùsu nɛ́ ma pↄ́mɛ, Manase boriinↄ bùsu nɛ́ ma pↄ́mɛ, Ɛflaimu boriinↄ bùsu nɛ́ ma mↄ̀furamɛ, Yudanↄ bùsu nɛ́ ma gòmɛ.

⁸ Mↄabunↄ bùsu nɛ́ ma ↄpipibↄmɛ, mɛɛ̀ ma kyatee káɛ Ɛdↄmunↄ bùsun, mɛɛ̀ zĩ̀blewiii dↄ Filisitininↄ bùsua.

⁹ Dé bé eé gɛ̃mao wɛ́tɛ bĩidee guuu? Dé bé eé dↄmɛ aɛ ai Ɛdↄmunↄ bùsun?

¹⁰ Luda, à dɛ ḿbe n ↄ gbàrɛwazi, nɛɛ̀ bↄ kↄ̃n wa zĩ̀kpɛɛnↄ dↄroo?

¹¹ Ǹ ↄ dawa wa ibɛɛnↄ yãnzi, zaakɛ gbɛ̃ntee dↄnlɛ nɛ́ yã pãamɛ.

¹² Wé zĩ̀ ble kↄ̃n Luda gbãaao, àmbe eé kìti pá wa ibɛɛnↄa.