SAAMUNƆ 6 - Bokobaru Bible

Faaba wiipɛna Ludazi
Dauda lɛ̀. Wè sí kↄ̃n mↄrↄlɛnaomɛ.

¹ Dii, ǹton kpãkɛ̃mazi kↄ̃n pɛ̃tɛ̃oro, ǹton ma toto kↄ̃n pↄfɛ̃oro.

² Ǹ ma wɛ̃nda gwa, Dii, zaakɛ ma ã'ã, ǹ ma kɛ̃kↄ̃a, Dii, zaakɛ ma wánↄↄ e wii.

³ Ma pↄↄ yàka búgubugu, Dii, bↄrɛn nɛ́ dↄmalɛɛ?

⁴ Ǹ ɛara ǹ ma mì sí, Dii, ǹ ma faaba kɛ n gbɛ̃kɛ yãnzi.

⁵ Zaakɛ gɛ̀ é e à n tↄ́ kpáro, weé n sáabu kpá mira guuro.

⁶ Ma m̀bona ma kpasa, ma mìbↄkↄ è ga kↄ̃n wɛ́ɛ'io, ma daɛbↄ è yĩi kũ ai guu gá dↄo.

⁷ Ma wɛ́ɛ kakana kↄ̃n pↄsia ↄ́ↄdↄnao, èe gaa kɛ̀ ma ibɛɛnↄↄ pari yãnzi.

⁸ À gu ma kiia zaakɛrinↄ, zaakɛ Dii ma ↄ́ↄdↄna mà.

⁹ Dii ma wiipɛna mà, Dii ma aduakɛna sì.

¹⁰ Wí é ma ibɛɛnↄ kũ ń píngi aↄ̃ gↄ̃ bídi guu, aↄ̃é fu kãndo aↄ̃ kpɛɛ li.

Lean sinn:

Ceanglaichean taic

Sanasan