SAAMUNƆ 52 - Bokobaru Bible

Auzikide ĩadãna

Lɛ̀ kɛ̀ Dauda dà gurↄↄ kɛ̀ à gàa Aimɛlɛki bɛ, ben Ɛdↄmu gbɛ̃ Doɛgi gàa à ò Solunɛ

¹ N gↄ̃sagbãaa, Luda gbɛ̃kɛɛ kuu gurↄ píngi, à kɛ̀ dia nɛ́ɛ ĩa dãa kↄ̃n yã zaaao?

² Nɛɛ̀gↄ̃ lɛ́fↄtↄↄ kaa gbɛ̃nↄzi gurↄ píngi, n lɛ́ nna lán gɛ̃ mìbobↄ bà, nɛɛ̀ gbɛ̃nↄ gbá sɛ́ɛo.

³ Ń ye à zaaazi dɛ à maaala, ɛgɛtona è kɛnnɛ nna dɛ yãpuraala.

⁴ Ń ye gbɛ̃kaatɛna yãzi, mↄnafikiyã bé à da n lɛ́n.

⁵ Luda é n gbãaa kↄ̀ ɛ́ ai gurↄ píngi, eé n kũ à bↄnyo n kpɛ́n, eé n bↄ gbɛ̃ bɛ̃ɛnↄ tɛ́.

⁶ Tó gbɛ̃ maaanↄↄ è, vĩa é ń kũ, aↄ̃é n lalandi kɛ wà be:

⁷ Gbɛ̃ kɛ̀ èe Luda kɛ a utɛkii ũroon yɛ̀! À náanɛ kpà a auziki bítaa, à gↄ̃̀ gbãadee ũ gbɛ̃kaatɛna guu.

⁸ Má dɛ lán kù lásiadee kɛ̀ kú Luda ua bà, mɛ́gↄ̃ zɛ kↄ̃n Luda yenzio gurↄ píngimɛ.

⁹ Mɛ́gↄ̃ n sáabu kpaa gurↄ píngi yã kɛ̀ ń kɛ̀ yãnzi, mɛ́ n tↄ́ sɛ́ lezĩ n yãmarinↄ aɛzĩ, kɛ̀ ń maa yãnzi.