SAAMUNƆ 46 - Bokobaru Bible

Ludaa kúwao

Kora boriinↄ lɛ̀.

¹ Ludan wa utɛkii ũ kↄ̃n wa gbãaao, ègↄ̃ dↄↄwalɛ gurↄ píngi wa nawɛ̃a guu.

^2-3 Beee yãnzi baa tó anduna yàka bensↄ̃ kpiiinↄ lɛ̀ɛ wà sì ísiaan, baa tó í pì kàka à fùta dↄ̀ bensↄ̃ kpiiinↄ dège kↄ̃n kĩio, swɛ̃̀ é kɛ̃waguro.

⁴ Swa kee kuu kɛ̀ à í è mↄ́ pↄnnaao Luda wɛ́tɛ guu, Luda Musude kúkii kɛ̀ kú adona pì.

⁵ Ludaa kú wɛ́tɛ pì guu, eé gↄ̃ bɛzĩ ũro, Luda é dↄàlɛ gudↄnao.

⁶ Boriinↄ e wii lɛɛ, kpatanↄↄ e yãaa, Luda pũ̀tã, ben anduna yↄ̀.

⁷ Dii Zĩ̀kpɛdee kúwao, Yakubu Ludan wa utɛkii ũ.

⁸ À mↄ́ à Dii yãkɛnanↄ gwa, lán à yã yà andunaa nà.

⁹ Àmbe è zĩ̀ mì dɛ ai anduna lɛ́n, è sánↄ ɛ́'ɛ è sárinↄ dúgu zↄ̃, è tɛ́ sↄ̃ sɛngbangonↄa.

¹⁰ À zɛ tɛɛɛ àgↄ̃ dↄ̃ kɛ̀ mámbe Luda ũ. Boriinↄ é ma tↄ́ sɛ́ lezĩ, weé ma tↄ́ kpá anduna guu píngi.

¹¹ Dii Zĩ̀kpɛdee kúwao, Yakubu Ludan wa utɛkii ũ.