SAAMUNƆ 41 - Bokobaru Bible

Gyãree aduakɛna

Dauda lɛ̀.

¹ Aubarikadeen gbɛ̃ kɛ̀ è gbãasaide yã daa ũ, Dii è à bↄ nawɛ̃akɛgurↄ.

² Dii é à dãkpa à à gba wɛ̃̀ndi gbã̀a, eé aubarika dan a bùsun, eé à na à ibɛɛnↄ ↄzĩ aↄ̃ ń pↄyezi kɛaro.

³ Dii é à dãkpa à gyãpɛa, eé tó à a gyãa pì ble.

⁴ Ma bè: Dii, ma durun kɛ̀nnɛ, ǹ ma wɛ̃nda gwa ǹ ma gba aafia.

⁵ Ma ibɛɛnↄ è ma kpákpa gaao wà be: Bↄrɛn eé ga lɛ à tↄ́ kaatɛɛ?

⁶ Tó aↄ̃ mↄ̀ ma gwa, ɛgɛyãn aↄ̃è omɛ, aↄ̃è baaru zaaa wɛtɛ ma yã musu, ben aↄ̃è fɛɛ wà gá wàgↄ̃ yã pì fãa bàazi.

⁷ Ma zangurinↄ è ma kpákpa à zaaao, aↄ̃ píngi aↄ̃è àisi zaaa kpámazi wà be:

⁸ Gagyãa bé à à lè, eé fɛɛ a daɛkiia dↄro.

⁹ Baa ma gbɛ̃nna kɛ̀ ma à náanɛ kɛ̀, kɛ̀ weè ↄ kakↄ̃a ta dↄ̃nkↄ̃ guu bↄ̀ ma kpɛɛ.

¹⁰ Mmↄn sↄ̃ Dii, ǹ ma wɛ̃nda gwa, ǹ ma gba aafia lɛ mà fĩa bońnɛ.

¹¹ Tó ma ibɛɛnↄↄ e ma yↄ̃̀gↄ̃ kɛmaro, mɛ́gↄ̃ dↄ̃ sa kɛ̀ ma yã kànnɛ.

¹² Ń ma kũna ma nↄ̀sɛ maaa yãnzi, ń tò màgↄ̃ kú n aɛzĩ gurↄ píngi.

¹³ Aubarikade Dii, Isarailinↄ Luda zaa káaku ai gurↄ píngi! Aami! Aami!