SAAMUNƆ 36 - Bokobaru Bible

Gbɛ̃ntee zaaa

Dii zↄ̀bleri Dauda lɛ̀.

¹ Gbɛ̃ zaaa durun yã da ma swɛ̃̀n, à wɛ́ɛ ègↄ̃ Luda wí vĩro.

² Zaakɛ ègↄ̃ a zĩnda ee gbɛ̃ maaa ũmɛ, è a durun dↄ̃ gbasa à zanlo.

³ Ɛgɛ kↄ̃n mↄnafikio kú à lɛ́n, à ↄ̃ndↄ̃ kↄ̃n maakɛnao tò.

⁴ È yã zaaa laasuu lɛ́ a daɛkiia, è gí yã pãsĩziro, è a zĩnda da zɛ́ faasaideea.

⁵ Dii, n yenzi bíta kà ludambɛ, ń náanɛ vĩ maamaa, à zↄ̃̀ sↄsↄnɛnↄa.

⁶ N maakɛna bíta lán kpiiinↄ bà, n yãzɛdekɛ lɛ́ vĩro lán ísia lↄ̀ bà. Dii, nɛɛ̀ gbɛ̃nteenↄ kↄ̃n nↄ̀bↄnↄ bↄ píngi.

⁷ Luda, n yenzi bɛ̀ɛ vĩ fá, gbɛ̃nteenↄ è utɛ n ↄru.

⁸ Aↄ̃è n ua pↄ́ble nↄ́sidee ble wà kã, nɛɛ̀ n swa'i pↄnnade kpáḿma aↄ̃ mi.

⁹ Zaakɛ ḿbe wɛ̃̀ndibↄkii ũ, wa kuuna n gupuraan bé à wa wɛ́ɛ kɛ̃̀.

¹⁰ Ǹgↄ̃ yenzi ↄdↄa gbɛ̃ kɛ̀ aↄ̃ↄ n dↄ̃ↄnↄnɛ ǹgↄ̃ gaa, ǹgↄ̃ kpɛɛ ǹgↄ̃ nↄ̀sɛpuradeenↄ mì sii.

¹¹ Ǹton tó ĩadãrinↄ ma dúgu zↄ̃ro, ǹton tó zaakɛrinↄ ↄ yĩpamaziro.

¹² Ǹ gwa, mↄnafikidee pìnↄ lɛ̀ɛ, aↄ̃ gↄ̃̀ daɛna sↄ̀rↄrↄ, aↄ̃é fↄ̃ wà fɛɛ dↄro.