SAAMUNƆ 31 - Bokobaru Bible

Zĩndakpana Diia
Dauda lɛ̀.

¹ Dii, ḿbe ma nanzi, ǹton tó wí ma kũ zikiro. Ǹ ma mì sí n maakɛna yãnzi,

² Ǹ swã kpámazi, ǹ ma faaba kɛ kpakpaa, ǹ gↄ̃ ma utɛki gbɛ̀ ũ, zɛki gbãaa kɛ̀ eé ma faaba kɛɛ ũ.

³ Ma gbɛ̀si kↄ̃n ma zɛki gbãaaon n ũ, ǹ dↄmɛ aɛ ǹ ma da zɛ́a n tↄ́ yãnzi.

⁴ Ǹton tó mà si bà kɛ̀ wà kpàkpamɛɛnlo, zaakɛ ma mìsirin n ũ.

⁵ Ma a ninii nànnɛ n ↄzĩ, ǹ ma mì sí Dii Luda yãpurade.

⁶ Ma za gbɛ̃ kɛ̀ aↄ̃è na tãanↄan, Diin má náanɛ kɛ̀.

⁷ Mɛ́ yáa dↄ mà pↄnnaa kɛ kↄ̃n n yenzio, zaakɛ n ma yã'ↄ̃amma è, n ma nawɛ̃akɛna dↄ̃̀mɛ.

⁸ Nɛ́ɛ ma na ma ibɛɛnↄnɛ ń ↄzĩro, n ma gba mɛ̀porokii.

⁹ Ǹ ma wɛ̃nda gwa Dii, zaakɛ má kagurakɛnamɛ, pↄsiaa tò ma wɛ́ɛ gↄ̃̀ súkusuku, ma pↄↄ sia kũ̀ ma nↄ̀sɛ yàka.

¹⁰ Pↄsiaa e ma wɛ̃̀ndi lagoo, m̀bna e ma wɛ̃̀ yãaa, laasuu tò má gbãaa vĩ dↄro, ma wánↄ bùsa.

¹¹ Ma gbɛ̃daaanↄ è kya kámagu ma ibɛɛnↄ yãnzi, ma yã è ma gbɛ̃nↄ vĩa kũ maamaa, gbɛ̃ kɛ̀ weè dakↄ̃rɛ gãalɛnↄ è pãmɛ.

¹² Ma yã e dↄ gbɛ̃ken dↄro, ma gↄ̃ lán gɛ̀ bà, ma gↄ̃ńnɛ lán oo kãndo bà.

¹³ Mɛɛ̀ ma kɛ̀ gbɛ̃nↄↄ e ma pee pari, vĩapↄnↄↄ ligamazi. Aↄ̃è kakↄ̃a wà lɛ́ kpákↄ̃sↄ̃mazi, aↄ̃è lɛdolɛ kɛ ma wɛ̃̀ndibↄna yãnzi.

¹⁴ Mↄde ḿbe ma n náanɛ kɛ̀ Dii, mɛɛ̀ be ma Ludan n ũ.

¹⁵ Ma wɛ̃̀ndi ègↄ̃ kú n ↄzĩ gurↄ píngimɛ, ǹ ma sí ma ibɛɛ kɛ̀ aↄ̃ↄe ma wɛtɛɛ wà ma dɛɛnↄ ↄzĩ.

¹⁶ Ǹ uu were mamↄma n zↄ̀bleria, ǹ ma mì sí n yenzi guu.

¹⁷ Dii, ǹton tó wí ma kũro, zaakɛ ma wii pɛ̀nzi. Ǹ tó wí zaakɛrinↄ kũ, ǹ tó aↄ̃ lɛ́ gↄ̃ nakↄ̃ana gɛ̀wãan,

¹⁸ ǹ tó ɛgɛtori pìnↄ nɛ́nɛ naɛ. Aↄ̃è dↄkɛ kↄ̃n gbɛ̃ maaanↄ, aↄ̃è kya káńgu kↄ̃n ĩadãnao.

¹⁹ Auziki kɛ̀ ń kàkↄ̃a n vĩakɛrinↄnɛ bíta, nɛɛ̀ aubarika da gbɛ̃ kɛ̀ aↄ̃ↄ nanziinↄn gbɛ̃ píngi wáa.

²⁰ Tó gbɛ̃nↄ lɛ́ kpàkↄ̃sↄ̃ńzi, nɛɛ̀ ń utɛ n kuu, tó wèe lɛokpakↄ̃a kɛɛńyo, nɛɛ̀ ń dãkpa n kukiia.

²¹ Aubarikadeen Dii ũ, zaakɛ à yenzi bíta ↄ̀dↄamɛ wɛ́tɛ kɛ̀ wà lìgazi guu.

²² Swɛ̃̀ kɛ̃̀magu gwe, ben ma bè, wà n kii zɛ́ zↄ̃̀mɛ. Kɛ̀ ma faaba lɛ́ zùnzi, n ma wɛ̃nda wiipɛna mà.

²³ Àgↄ̃ ye Diizi, amↄa a gbɛ̃nↄ. Dii è a náanɛkɛrinↄ dãkpa, è fĩa bo ĩadãrinↄnɛ pãsĩpãsĩ.

²⁴ Amↄa kɛ̀ a wɛ́ɛ dↄ Diizinↄ, àgↄ̃ gbãa à a swɛ̃̀ kpáɛ.

Lean sinn:

Ceanglaichean taic

Sanasan