SAAMUNƆ 3 - Bokobaru Bible

Lɛ́zuna Ludazi ibɛɛnↄ yã musu
( 2Sa 15:13-17 )
Lɛ̀ kɛ̀ Dauda dà gurↄↄ kɛ̀ à bàa lɛ̀ a nɛ́ Abusalomunɛ.

¹ Dii, ma wɛdɛrinↄↄ kpámɛ fá, gbɛ̃ kɛ̀ aↄ̃ íbɛtɛ kpàmaonↄↄ pari.

² Wèe ma yã oo pari, wèe bee Luda é ma mì síro.

³ Mpi sↄ̃ Dii, nɛɛ̀ ↄ ligamazi sɛngbango ũ, ma gakuin n ũ, nɛɛ̀ tó ma mì gↄ̃ da'ilana.

⁴ Mɛɛ̀ wii pɛ́ Diizi, è wemala zaa a kúkiia kpiii musu.

⁵ Mɛɛ̀ daɛ mà ii o mà vu, zaakɛ Diin ma kũna ũ.

⁶ Gↄ̃ↄn bↄrↄ baaagↄ̃ akurikurinↄↄ e ma wɛɛ kpa sãnda píngia, mↄde mɛɛ̀ vĩa kɛńnɛro.

⁷ Ǹ fɛɛ, Dii, ǹ ma mì sí, ma Luda, ǹ ma ibɛɛnↄ swãn kɛkɛ, ǹ gbɛ̃ zaaa pìnↄ swaa ɛ́'ɛ.

⁸ Dii bé è gbɛ̃ mì sí. Ǹ aubarika da n gbɛ̃nↄn.

Lean sinn:

Ceanglaichean taic

Sanasan