SAAMUNƆ 29 - Bokobaru Bible

Dii yã'ona zàga'ĩa guu

Dauda lɛ̀.

¹ A malaikanↄ, à Dii tↄ́ kpá, à gakui kↄ̃n gbãaao dↄ̃ Diinɛ.

² À Dii tↄ́ kpá, à kúɛ Diinɛ à kúadona gupuraan.

³ Dii kòto dↄ ínↄla, Luda Gakuide è tó lou pũtã, Dii kòto kĩi dↄ ínↄ musu.

⁴ Dii kòto gbãaa dↄ, Dii kòto gakui vĩ.

⁵ Dii kòto è sida línↄ para, Dii è Lɛbanↄ bùsu sida línↄ para.

⁶ È tó Lɛbanↄ kpiiinↄ vĩvĩ lán zùnɛ bà, Ɛmↄni gbɛ̀ sↄ̃ lán zùswarenɛ bↄ̀rↄ bà.

⁷ Dii kòto è bↄ kↄ̃n loupinao,

⁸ Dii kòto è gbáa nigã, Dii è Kadɛsi gbáa nigã.

⁹ Dii kòto è línↄ nigã, è líkpɛnↄ pu, gbɛ̃ kɛ̀ aↄ̃ↄ kú à ua guunↄↄ e beenɛ, Gakuideen à ũ.

¹⁰ Dii kú í kɛ̀ dana andunalaa musu, Dii vɛ̃ɛna Kí ũ gurↄ píngi.

¹¹ Dii è a gbɛ̃nↄ gba gbãaa, Dii è aubarika dańgu aↄ̃gↄ̃ aafia.