Bìoball air-loidhne

SAAMUNƆ 28 - Bokobaru Bible

Wɛ́ɛkɛna kↄ̃n sáabukpanao
Dauda lɛ̀.

¹ Dii, ḿbe ma gbɛ̀si ũ, mɛ́ɛ n sisii, ǹton ma yã kpá swãkotoro. Tó n yĩtɛmala, mɛ́ gↄ̃ lán gbɛ̃ kɛ̀ aↄ̃ sì gɛ̀wãa guunↄ bàmɛ.

² Mɛ́ɛ dↄnlɛ wii pɛɛmma, ǹ swã kpámazi, mɛ́ɛ ma ↄ sɛɛ n kúkii kpa.

³ Ǹton ma gáɛ lɛdo kↄ̃n gbɛ̃ bɛ̃̀ɛnↄ ke zaakɛrinↄoro. Aↄ̃è yã nnaa o ń gbɛ̃daaanↄnɛ, mↄde zangu bé à kú ń swɛ̃̀n.

⁴ Ǹ kɛńnɛ aↄ̃ yãkɛnaa kↄ̃n ń zaakɛnao, ǹ fĩa bońnɛ ń dàa lɛ aↄ̃ yã zaaa wí ń musu.

⁵ Aↄ̃è Dii yãkɛna kↄ̃n à zĩkɛnao yã daro, eé ń gboro, eé ń fɛɛ dↄro.

⁶ Aubarikadeen Dii ũ, zaakɛ à swã kpà ma wɛ̃nda wiipɛnazi.

⁷ Diin ma gbãaa ũ kↄ̃n ma sɛngbangoo, má à náanɛ vĩ ma swɛ̃̀n. È ma ĩan ká, ma pↄↄ è kɛ nna, mɛɛ̀ à sáabu kpá kↄ̃n lɛ̀sinao.

⁸ Diin a gbɛ̃nↄ gbãaa ũ, à dɛ utɛkii ũ kí kɛ̀ à kànɛ, è à mì sí.

⁹ Ǹ n gbɛ̃nↄ mì sí ǹ aubarika dańgu, ǹ ń dãkpa ǹgↄ̃ ń kũna gurↄ píngi.

Lean sinn:

Ceanglaichean taic

Sanasan