SAAMUNƆ 24 - Bokobaru Bible

Dii gɛ̃na a kpɛ́ guu
Dauda lɛ̀.

¹ Tↄↄtɛ kↄ̃n pↄ́ kɛ̀ kúnnↄ píngi nɛ́ Dii pↄ́mɛ, anduna kↄ̃n gbɛ̃ kɛ̀ aↄ̃ↄ kúnnↄ ń píngi.

² À tↄↄtɛ kãsãa pɛ̀ɛ ísiaan, à anduna kàɛ kↄ̃n swaanↄo.

³ Dé bé à zɛ́ vĩ à didi Dii kpiii musuu? Dé bé eé fↄ̃ à gɛ̃ à ua?

⁴ Gbɛ̃ kɛ̀ taari vĩro bensↄ̃ à nↄ̀sɛ puraa, gbɛ̃ kɛ̀ a làakari è tá tãanↄ kparo bensↄ̃ è yã sí kↄ̃n tãa tↄ́oroo.

⁵ Dii é aubarika da adeen, Luda à mìsiri é tó yã bↄo nna.

⁶ Lɛn à dɛ lɛ kↄ̃n à kii wɛ̀tɛrinↄ, Yakubu boriinↄ Luda wɛ́ɛ wɛ̀tɛrinↄ.

⁷ À bĩilɛnↄ wɛ̃wɛ̃, à gbà ziinↄ wɛ̃wɛ̃, à tó Kína gakuidee gɛ̃.

⁸ Dén Kína gakuidee pì ũ sↄ̃ↄ? Dii gbãabitademɛ, àmbe Dii zĩ̀kari gbãadee pì ũ.

⁹ À bĩilɛnↄ wɛ̃wɛ̃, à gbà ziinↄ wɛ̃wɛ̃, à tó Kína gakuidee gɛ̃.

¹⁰ Dén Kína gakuidee pì ũ sↄ̃ↄ? Dii Zĩ̀kpɛden Kína gakuidee pì ũ.

Lean sinn:

Ceanglaichean taic

Sanasan