SAAMUNƆ 20 - Bokobaru Bible

Zĩ̀blena wɛ́ɛkɛɛ
Dauda lɛ̀.

¹ Dii yã sínyo n nawɛ̃akɛgurↄ, Yakubu Luda n dãkpa.

² À dↄnlɛ zĩmma bↄna a kúkiia, à n ĩan ká bↄna zaa Zayↄn.

³ À n sa'ona sí píngi, à dↄ n sa'opↄ kɛ̀ wè ká tɛ́n à tɛ́ kũnↄ yãn.

⁴ À pↄ́ kɛ̀ n pↄↄ yezi kɛnnɛ, à tó ǹ pↄ́ kɛ̀ nɛ́ɛ pɛɛa le.

⁵ Wé guda kɛ zĩ̀ kɛ̀ ń blè yã musu, wé tuuta logo kↄ̃n wa Luda tↄ́o. Dii wɛ́ɛkɛɛ kɛ̀ ń kɛ̀ sí píngi.

⁶ Má dↄ̃ sa kɛ̀ Dii è kína kɛ̀ à à kà mì sí, è yã sío zaa a bɛɛ kɛ̀ kú adonan, è tó à zĩ̀ ble kↄ̃n a gã̀sã gbãaao.

⁷ Gbɛ̃kenↄ è sↄ̃goronↄ náanɛ kɛ, gbɛ̃kenↄ è sↄ̃nↄ náanɛ kɛ, wapinↄ sↄ̃, Dii wa Ludan weè náanɛ kɛ.

⁸ Aↄ̃é gɛ̃̀n sí wà lɛ́ɛ, wapinↄ sↄ̃ wégↄ̃ zɛna gíngin.

⁹ Dii, ǹ tó kína zĩ̀ ble, tó wa n sisi, ǹ wewala.

Lean sinn:

Ceanglaichean taic

Sanasan