SAAMUNƆ 2 - Bokobaru Bible

Kí kɛ̀ Ludaa kà

¹ Bↄ́yãnzin boriinↄↄ e zↄka kaazi? À kɛ̀ dia wèe lɛ́ pãa kpaakↄ̃sↄ̃ↄ?

² Anduna kínanↄↄ e zĩ̀ soru kɛɛ, kpatablerinↄↄ e kaakↄ̃a Diizi kↄ̃n Kí kɛ̀ à kào.

³ Aↄ̃ↄe bee: Wà ń mↄ̀kyakoonↄ kɛ̃kɛ̃, wà ń bà porowa.

⁴ Dii e ń faboo, à vɛ̃ɛna musu, èe ń yáa dↄↄ.

⁵ Èe pataaḿma kↄ̃n pↄfɛ̃o, à pɛ̃tɛ̃ è tó vĩa ń kũ.

⁶ À bè a a Kí kà a kpii Zayↄn musu.

⁷ Mɛ́ yã kɛ̀ Dii dìɛmɛɛ o kɛ̀ à bè: Ma Nɛ́n n ũ, gbã̀an ma n i.

⁸ Ǹ wɛ́ɛ kɛma, mɛ́ bori píngi kpámma n pↄ́ ũ, mɛ́ n gba anduna gooda siigↄ̃ↄ.

⁹ Nɛ́ kí bleḿma kↄ̃n mↄ̀ gòo, nɛ́ ń wíwi lán wè oroo wí nà.

¹⁰ Kínanↄ, à lɛ́damma kɛ̀kii ma, anduna kpatablerinↄ, à ↄ̃ndↄ̃ kũ sa.

¹¹ À dↄ Diizi kↄ̃n vĩao, à pↄnnaa kɛo kↄ̃n luganao.

¹² À lɛ́ pɛ́ à Nɛ́a lɛ à pↄↄ tón fɛ̃azi à gaga zɛ́nlo, zaakɛ à pↄↄ è fɛ̃ kãndomɛ. Aubarikadeen gbɛ̃ kɛ̀ nàzi ũ.