SAAMUNƆ 16 - Bokobaru Bible

Nana Ludazi adua
Dauda lɛ̀.

¹ Ǹ ma dãkpa Luda, ḿbe ma nanzi.

² Ma bè Diinɛ: Ḿbe ma Dii ũ, n baasiro má pↄ́ maa ke vĩro.

³ N gbɛ̃ kɛ̀ aↄ̃ↄ kú bùsu kɛ̀ guunↄ, aↄ̃mbe gakuidee kɛ̀ wà kɛ̀mɛɛnↄ ũ.

⁴ Gbɛ̃ kɛ̀ aↄ̃è wã wà gá tãa kiianↄ è yã'ↄ̃amma kpá ń zĩndazimɛ. Mɛ́ sa'o'aru kwɛ́ɛńyoro, weé ń tãanↄ tↄ́ ma ma lɛ́zĩro.

⁵ Dii, ḿbe má n vĩ ndo, n ma ka ma bakaa, ma wɛ̃̀ndi kú n ↄzĩmɛ.

⁶ N tↄↄtɛ lɛ́zɛkiinↄ kɛ̀mɛ gu maaa guu, gbaa kɛ̀ ń dàmɛɛ kɛ̀mɛ.

⁷ Mɛ́ Dii sáabu kpá kɛ̀ è lɛ́ dama yãnzi, baa gwãavĩ è tó ma swɛ̃̀ ma gba làakari.

⁸ Mɛɛ̀gↄ̃ Dii ee ma wɛ́ɛn, lán à kú ma ↄplaazi nà, pↄ́ke é ma degero.

⁹ Beee yãnzi ma pↄↄ ègↄ̃ nnazi, ma nↄ̀sɛguu pù. Má tãmaa vĩ kɛ̀ ma mɛ̀ égↄ̃ kuu,

¹⁰ zaakɛ nɛ́ ma tó mira guuro, nɛ́ we n gbɛ̃ kɛ̀ kú adona yai kũro.

¹¹ N ma da wɛ̃̀ndi zɛ́a, ma pↄnnaa égↄ̃ pana n kiia, pↄ́ maaanↄ égↄ̃ kú n ↄzĩ gurↄ píngi.

Lean sinn:

Ceanglaichean taic

Sanasan