SAAMUNƆ 149 - Bokobaru Bible

Dii gbɛ̃nↄ yãkpaɛkɛna kↄ̃n boriinↄo

¹ Aleluya! À lɛ̀ dufu sí Diinɛ, à à táaki lɛ́ à gbɛ̃nↄ kakↄ̃ana guu.

² Isarailinↄ pↄↄ kɛ nna ń Kɛ̀ria, Zayↄndeenↄ pↄnnaa kɛ kↄ̃n ń kínao.

³ Aↄ̃ ↄ̃ wã wà à tↄ́ bↄ, aↄ̃ à táaki lɛ́ kↄ̃n mↄrↄo kↄ̃n sɛ̃gɛ̃sɛ̃gɛ̃o.

⁴ Zaakɛ Dii gbɛ̃nↄ yã è kánɛ, è mìsina fùra kú zĩndabusarinↄnɛ.

⁵ Dii yãmarinↄ pↄnna wii pɛ́ ń zĩ̀blena yãnzi, aↄ̃ guda dↄ ń daɛbↄ musu.

⁶ Luda táakilɛna gↄ̃ da ń lɛ́n, fɛ̃ɛda kpaplaplaaa gↄ̃ naa ń ↄzĩ,

⁷ lɛ aↄ̃ gɛ̃ɛ boo boriinↄa, aↄ̃ wɛ́ɛ tão bùsu píngi gbɛ̃nↄa,

⁸ lɛ aↄ̃ ń kínanↄ yiyi kↄ̃n mↄ̀kyakoonↄ, aↄ̃ mↄ̀gata ká ń wɛ̃ɛnɛnↄa,

⁹ lɛ aↄ̃ yã dańla lán à kɛ̃na takada guu nà. Gakui kɛ̀ Dii yãmarinↄ é een gwe. Aleluya!

Lean sinn:

Ceanglaichean taic

Sanasan