SAAMUNƆ 142 - Bokobaru Bible

Aduakɛna gbɛ̀wɛɛn
Dauda aduakɛna gurↄↄ kɛ̀ à kú gbɛ̀wɛɛn.

¹ Mɛ́ɛ ↄ́ gbãaa dↄↄ Diinɛ, mɛ́ɛ wɛ̃nda wii pɛɛ Diizi.

² Mɛ́ɛ ma yã'ↄ̃amma bↄɛɛnɛ, mɛ́ɛ ma nawɛ̃akɛna tↄ̃kɛ̃ɛnɛ.

³ Tó ma nↄ̀sɛ yàka búgubugu, ḿbe nɛɛ̀gↄ̃ ma tá kɛ̀sɛ dↄ̃. Wà takutɛɛ kpàkpamɛ ma zɛ́n.

⁴ Ǹ wɛ́ɛ sɛ́ ǹ ma ↄplaa gwa, gbɛ̃ke è ma yã daro. Má nakii vĩ dↄro, gbɛ̃ke è ma aafia gbekaro.

⁵ Dii, mɛ́ɛ wii pɛɛnzi ma bè: Ḿbe ma utɛkii ũ, ḿbe ma baka ũ andunan.

⁶ Ǹ swã kpá ma wiipɛnazi, zaakɛ ma gↄ̃ múkumukumɛ. Ǹ ma sí gbɛ̃ kɛ̀ aↄ̃ↄe pɛɛɛmaziinↄa, zaakɛ aↄ̃ gbãaa dɛmala.

⁷ Ǹ ma bↄ kagurakɛna kɛ̀kiin, lɛ mà n tↄ́ bↄ, gbasa gbɛ̃ maaanↄ ligamazi kɛ̀ n yã maaa kɛ̀mɛ yãnzi.

Lean sinn:

Ceanglaichean taic

Sanasan