SAAMUNƆ 141 - Bokobaru Bible

Mìsina aduakɛna

Dauda lɛ̀.

¹ Dii, mɛ́ɛ wii pɛɛnzi, ǹ kɛ kpakpaa, tó ma n sisi, ǹ swã kpá ma yãzi.

² Ǹ tó ma aduakɛna ká n kiia lán tuaetiti tɛ́sukpɛ bà. Ǹ tó ma ↄ dↄna musu gↄ̃ dɛnnɛ sa uusiɛ ona ũ.

³ Dii, ǹ lɛ́sↄ damɛ ma lɛ́nɛ, ǹ tó mà a lɛ́ fↄ̃.

⁴ Ǹton tó yã zaaa ma swɛ̃̀ gáɛro, lɛ màton kakↄ̃a kↄ̃n zaakɛrinↄ ń yãzaakɛna guuro, lɛ màton ń pↄ́ nnaanↄ bleńyoro.

⁵ Tó gbɛ̃ maaa ma lɛ, à gbɛ̃kɛɛ kɛ̀mɛmɛ! Tó à kpã̀kɛ̃mazi, mɛ́ gíziro, nↄ́si kↄ̃n a kpɛ̃̀omɛ. Mɛɛ̀gↄ̃ adua kɛɛ baabↄrɛ lɛ gbɛ̃ zaaanↄ yãkɛna gboro.

⁶ Tó wà ń gbãadeenↄ kà sĩ̀sĩgoo wɛ̀ɛn, zaakɛrinↄ é sí kɛ̀ ma yã bé à nna.

⁷ Lán wè yàka para à bùu fãakↄ̃a nà, lɛn aↄ̃ wá égↄ̃ fãakↄ̃ana ń mirawɛɛ lɛ́a lɛ.

⁸ Dii Luda, ḿbe ma wɛ́ɛ dↄnzi, ma nanzi, ǹton ma kpá gaaziro.

⁹ Ǹ ma bↄ takutɛɛ kɛ̀ wà kpàkpamɛɛnↄn, bà kɛ̀ zaakɛrinↄↄ kpàkpamɛɛ pìnↄ.

¹⁰ Ǹ tó gbɛ̃ zaaanↄ si ń zĩnda bà guu, mapi sↄ̃ mɛ́ gɛ̃tɛ aafia.