SAAMUNƆ 136 - Bokobaru Bible

Dii sáabukɛna

¹ À Dii sáabu kɛ, zaakɛ à maa, à gbɛ̃kɛɛ yãana vĩro.

² À Luda kɛ̀ dɛ tãanↄla sáabu kɛ, à gbɛ̃kɛɛ yãana vĩro.

³ À Dii kɛ̀ dɛ diinↄla sáabu kɛ, à gbɛ̃kɛɛ yãana vĩro.

⁴ Àmbe è dabuyã bítanↄ kɛ ado, à gbɛ̃kɛɛ yãana vĩro.

⁵ À musu kɛ̀ kↄ̃n a ↄ̃ndↄ̃ↄo, à gbɛ̃kɛɛ yãana vĩro.

⁶ À tↄↄtɛ kàɛ í musu, à gbɛ̃kɛɛ yãana vĩro.

⁷ À pↄ́gupuri bítanↄ kɛ̀, à gbɛ̃kɛɛ yãana vĩro.

⁸ À ↄfãntɛ̃ kɛ̀ à kí ble fãantɛ̃, à gbɛ̃kɛɛ yãana vĩro.

⁹ À mↄvura kↄ̃n sↄsↄnɛnↄ kɛ̀ aↄ̃ kí ble gwãavĩ, à gbɛ̃kɛɛ yãana vĩro.

¹⁰ À Igipiti daudunↄ dɛ̀dɛ, à gbɛ̃kɛɛ yãana vĩro,

¹¹ À Isarailinↄ bↄ̀ɛ ń tɛ́, à gbɛ̃kɛɛ yãana vĩro.

¹² À a gã̀sã pòro kↄ̃n a iko gbãaao, à gbɛ̃kɛɛ yãana vĩro.

¹³ À Isia Tɛ̃aa zↄ̃̀kↄ̃rɛ plaa, à gbɛ̃kɛɛ yãana vĩro.

¹⁴ À tò Isarailinↄ gɛ̃̀tɛ à dagura, à gbɛ̃kɛɛ yãana vĩro.

¹⁵ À Fili'auna kↄ̃n a zĩ̀kpɛɛnↄ kà Isia Tɛ̃aan, à gbɛ̃kɛɛ yãana vĩro.

¹⁶ À dↄ̀ a gbɛ̃nↄnɛ aɛ gbáan, à gbɛ̃kɛɛ yãana vĩro.

¹⁷ À kí bítanↄ lɛ̀ à nɛ̀, à gbɛ̃kɛɛ yãana vĩro.

¹⁸ À kí gbãadeenↄ dɛ̀dɛ, à gbɛ̃kɛɛ yãana vĩro.

¹⁹ Amↄrinↄ kí Siↄ̃, à gbɛ̃kɛɛ yãana vĩro.

²⁰ Kↄ̃n Basã kí Oguo, à gbɛ̃kɛɛ yãana vĩro.

²¹ À ń bùsu sì à gba dào, à gbɛ̃kɛɛ yãana vĩro.

²² À kpà a zↄ̀bleri Isarailinↄa túbi ũ, à gbɛ̃kɛɛ yãana vĩro.

²³ À dↄ̀ wa yãn wa gwena zaaan, à gbɛ̃kɛɛ yãana vĩro.

²⁴ À wa bↄ wa ibɛɛnↄ ↄzĩ, à gbɛ̃kɛɛ yãana vĩro.

²⁵ È pↄ́blee kpá pↄ́ sãnda píngia, à gbɛ̃kɛɛ yãana vĩro.

²⁶ À Luda Musude sáabu kɛ, à gbɛ̃kɛɛ yãana vĩro.