SAAMUNƆ 128 - Bokobaru Bible

Yã maaa kɛ̀ Dii vĩakɛri è ee

Gana Yerusalɛmu lɛ̀.

¹ Aubarikadeen gbɛ̃ kɛ̀ Dii vĩa vĩ bensↄ̃ à tɛ́ à zɛ́n ũ.

² Nɛ́ n zĩ àre ble, nɛ́gↄ̃ aubarika vĩ, nɛ́gↄ̃ kuu aafia.

³ N naↄ̃ égↄ̃ kú n ua lán geepi lí nɛ́'iri bà, n nɛ́gↄ̃gbɛ̃nↄ égↄ̃ liga n teebuzi lán kù lí ketenↄ bà.

⁴ Lɛn gbɛ̃ kɛ̀ Dii vĩa vĩi ègↄ̃ aubarika vĩ lɛ.

⁵ Zaa Zayↄn Dii aubarika dangu ai n wɛ̃̀ndi lɛ́n. À tó ǹ wɛ́ɛ si Yerusalɛmu nnamanalɛ,

⁶ à tó ǹ n dionↄ e kↄ̃n wɛ́ɛo. Dii Isarailinↄ gba aafia!